Қазақстан Республикасы Мәдениет және ақпарат министрлігі Дін істері комитетінің қолдауымен ағымдағы жылдың 20–24 сәуір күндері Түркістан облысында республикалық ақпараттық-түсіндіру тобы (РАТТ) мүшелерінің қатысуымен ауқымды іс-шаралар ұйымдастырылды. Аталған кездесулердің негізгі мақсаты – халықтың дінтанулық сауаттылығын арттыру, дін саласындағы мемлекеттік саясаттың негізгі бағыттарын кеңінен түсіндіру, сондай-ақ қоғамда жат діни ағымдардың таралуының алдын алу және діни экстремизмге қарсы иммунитет қалыптастыру болып табылады.

Іс-шаралар аясында облыс көлемінде жалпы саны 20-ға жуық кездесу өткізіліп, 700-ден астам тұрғын қамтылды. Ақпараттық-түсіндіру жұмыстарына республикалық деңгейдегі білікті мамандар мен сарапшылар қатысты. Атап айтқанда, РАТТ мүшесі, сарапшы Раздыкова Гүлназ Мақсұтқызы, Түркістан облысы дін істері басқармасына қарасты «Дін мәселелерін зерттеу орталығы» КММ директоры Халықов Медет Мұзапбарұлы, басқарманың діни экстремизмнің алдын алу бөлімінің басшысы Шопанова Бақытгүл Мақсотқызы, сондай-ақ «Ақниет» қоғамдық қорының Шымкент қаласы бойынша жетекшісі Оспанов Дәлелхан Қоңырбайұлы қатысып, өзекті мәселелер төңірегінде мазмұнды баяндамалар жасады.

Кездесулер барысында тұрғындарға «Дәстүрлі дін және жат ағымдар», «Деструктивті діни ұйымдардың психологиялық ерекшеліктері», «Дін және терроризм: үйлеспейтін ұғымдар», «Интернет кеңістігіндегі экстремистік мазмұндағы ақпараттардың қауіптілігі», «Дін саласындағы мемлекеттік саясат және ар-ождан бостандығы», «Жастардың шетелдік діни оқу орындарына кету себептері мен салдары» секілді маңызды тақырыптар жан-жақты түсіндірілді.

Ақпараттық жұмыстар түрлі форматта ұйымдастырылып, оған жергілікті тұрғындар, мектеп оқушылары, студент жастар, мемлекеттік қызметкерлер және өзге де әлеуметтік топ өкілдері белсенді қатысты. Кездесулер барысында қатысушылар тарапынан қойылған сұрақтарға нақты әрі тұщымды жауаптар беріліп, пікір алмасу алаңы қалыптасты.

Маңызды шаралар легі Сарыағаш ауданында да жалғасын тауып, өңір тұрғындары үшін мазмұнды әрі тағылымды кездесулер өткізілді. Бұл кездесулер қоғамда діни тұрақтылықты сақтау, жастардың теріс ағымдардың ықпалына түсуінің алдын алу бағытындағы жұмыстардың маңыздылығын тағы бір мәрте айқындады.

Жалпы, өткізілген іс-шаралар өңірдегі діни ахуалды тұрақтандыруға, тұрғындардың діни сауаттылығын арттыруға және зайырлы қоғам қағидаттарын нығайтуға өз үлесін қосты.

Сарыағаш аудандық ішкі саясат бөлімі

Сообщение РЕСПУБЛИКАЛЫҚ АҚПАРАТТЫҚ-ТҮСІНДІРУ ТОБЫНЫҢ КЕЗДЕСУЛЕРІ ӨТТІ появились сначала на SATMEDIA.KZ.

Біріккен Араб Әмірліктері әуе кеңістігін ашты, деп хабарлайды satmedia.kz dalanews.kz сілтеме жасап.

Азаматтық авиация басқармасы қалыпты қозғалыс режимі қайта қалпына келтірілгенін және барлық сақтық шараларының күшін жойғанын мәлімдеді. Осыған қарамастан, ұшу қауіпсіздігін қамтамасыз ету үшін әуе кеңістігі тұрақты бақылауда болады. 

Айта кетейік, 8 сәуірде атысты тоқтату келісімі күшіне енгеннен  әмірліктердің аумағына зымыран және дрон шабуылдары тіркелмеген. Содан бері әуе тасымалдаушылары да рейстерді біртіндеп қалпына келтіріп жатыр. Эмирэйтс компаниясы рейстердің жүктемесін соғысқа дейінгі деңгейдің шамамен 80 пайызына жеткізген. Дәл сол сияқты өңірге ұшуды уақытша тоқтатқан бірқатар халықаралық әуе компаниялары да қызметін қайта жандандырды.

Дереккөз: dalanews.kz

Сообщение Біріккен Араб Әмірліктері әуе кеңістігін толық ашты появились сначала на SATMEDIA.KZ.

Каталониялық «Барселона» клубы мен Бразилия құрамасының вингері Рафинья Диас жарақатынан сауығып, жуық арада оралады, деп хабарлайды satmedia.kz тілшісі Vesti.kz-ке сілтеме жасап.

Эль-класикоға қатысуы мүмкін

29 жастағы футболшы сан жарақатын толық емдеп, наурыз айынан бері алғаш рет «Осасунаға» қарсы матчқа (2:1) команда тізіміне енгенімен, алаңға шықпады. Mundo Deportivo басылымының мәліметінше, ешқандай асқыну болмаса, Рафинья алдағы эль-класикода алаңға шығуы мүмкін.

Маусымдағы үлесі

Рафинья биыл мансабындағы ең үздік маусымдардың бірін өткізуде. Ол «көк-қызылдар» сапында 31 матчта 27 нәтижелі әрекет (19 гол және 8 нәтижелі пас) жасап, шабуыл шебіндегі негізгі ойыншылардың біріне айналды.

Эль-класикоға қатысуы мүмкін

Каталониялықтардың мадридтік «Реалға» қарсы кездесуі 11 мамырға қараған түні «Камп Ноу» стадионында өтеді. Ханс-Дитер Флик жаттықтыратын команда бұл ойында чемпиондықты мерзімінен бұрын рәсімдей алады – ол үшін «Барселонаға» жеңілмеу жеткілікті. Қазіргі таңда каталондықтар 88 ұпаймен турнирлік кестеде көш бастап тұр, ал «Реал» (77) екінші орында келеді. Чемпионаттың аяқталуына бес тур қалғанынын айта кетейік. 

Маусымдағы үлесі

Рафинья биыл мансабындағы ең үздік маусымдардың бірін өткізуде. Ол «көк-қызылдар» сапында 31 матчта 27 нәтижелі әрекет (19 гол және 8 нәтижелі пас) жасап, шабуыл шебіндегі негізгі ойыншылардың біріне айналды.

«Барселонаға» жол

Бразилиялық футболшы 2022 жылдан бері «Барселона» сапында өнер көрсетіп келеді. Ол ағылшынның «Лидс Юнайтед» клубынан 58 миллион еуроға ауысқан. Бұған дейін Рафинья франциялық «Ренн», Лиссабонның «Спортинг» және португалиялық «Витория Гимарайнш» командаларында ойнаған.

Transfermarkt мәліметі бойынша, футболшының қазіргі нарықтық құны шамамен 80 миллион еуроны құрайды.

Дереккөз: Vesti.kz

Сообщение «Барселона» эль-класико алдында сапын 80 миллиондық ойнышымен күшейтті появились сначала на SATMEDIA.KZ.

АҚШ президенті Дональд Трамп Ормуз бұғазында америкалық кемелерге кедергі жасалса, АҚШ Иранды жойып жіберуге дейін баратынын мәлімдеді.

Бұл туралы Ақ үй басшысы журналист Трей Ингстке берген сұхбатында айтқан.

Трамптың сөзінше, Иран америкалық кемелерге шабуыл жасайтын болса, олар «Жер бетінен жойылады».

Дереккөз: dalanews.kz

Сообщение «Иран қарсы шықса, жойып жібереміз»: Трамп қатаң мәлімдеме жасады появились сначала на SATMEDIA.KZ.

Ресей Қорғаныс министрлігі Жеңіс күніне орай уақытша бітім жарияланғанын мәлімдеді. Ал Украина тарапы бұған жауап ретінде өз ұстанымын білдіріп, «тыныштық режимін» енгізетінін хабарлайды. Бұл туралы satmedia.kz тілшісі dalanews.kz сілтеме жасап хабарлайды.

Ресей: 8–9 мамырда бітім жарияланады

Ресейдің Қорғаныс министрлігі Жоғарғы бас қолбасшы, президент Владимир Путин шешімімен 8–9 мамыр күндері Жеңіс күнін атап өтуге байланысты бітім жарияланатынын мәлімдеді.

Ресми хабарламада Ресей тарапы Украина да осы қадамды қолдайды деп үміттенетіні айтылған.

«Украина тарапы да осы бастаманы қолдайды деп есептейміз. Сонымен қатар Киев режимі басшысының Ереванда өткен Еуропалық саяси қоғам саммитінде жасаған мәлімдемесіне назар аудардық. Онда дәл 9 мамыр күні Мәскеуге соққы жасау туралы қауіп айтылған. Ресей Қарулы күштері мерекелік іс-шаралардың қауіпсіздігін қамтамасыз ету үшін барлық қажетті шараларды қабылдайды», – делінген министрлік мәлімдемесінде.

Сондай-ақ Ресей тарапы Украина Жеңістің 81 жылдығын атап өтуге кедергі келтіруге әрекеттенген жағдайда, Киевтің орталығына жаппай зымыран соққысы жасалуы мүмкін екенін ескерткен.

Украина: 6 мамырдан бастап «тыныштық режимі»

Бірнеше сағаттан кейін Украина президенті Владимир Зеленский өз жауабын жариялап, атысты тоқтату режимін енгізетінін мәлімдеді.

Оның айтуынша, Ресей тарапынан Украинаға соғыс қимылдарын тоқтату шарттарына қатысты ресми ұсыныс түспеген.

«Бүгінге дейін Украинаға әскери әрекеттерді тоқтату шарттары жөнінде ресми түрде ешқандай ұсыныс жасалған жоқ. Ресейдің әлеуметтік желілерінде тараған мәлімдемелерге сүйену мүмкін емес. Біз үшін адам өмірі кез келген мерекеден әлдеқайда маңызды. Осыған байланысты 6 мамырға қараған түнгі сағат 00:00-ден бастап тыныштық режимін жариялаймыз», – деді Зеленский.

Украина басшысы елдің аталған уақыттан бастап «айна қағидаты» бойынша әрекет ететінін, яғни қарсы тараптың қадамдарына сәйкес жауап беретінін атап өтті.

Дереккөз: dalanews.kz

Сообщение Ресей мен Украина атысты уақытша тоқтатады появились сначала на SATMEDIA.KZ.

Қазақстан Республикасы Көлік министрлігінің басшылығы Алматы халықаралық әуежайының әкімшілігімен және құқық қорғау органдарымен бірлесіп, терминал шатырының су басу фактісіне байланысты шұғыл кеңес өткізді.

Азаматтық авиация комитеті әуежайды Қазақстан Республикасының Әкімшілік құқық бұзушылық туралы кодексіне сәйкес әкімшілік жауапкершілікке тартты. Әуежай басшысы техникалық мәселелерге жетекшілік ететін аға вице-президент Мехмет Гюзельге тәртіптік жаза қолданылғанын хабарлады.

Әуежай жолаушылардан келтірілген қолайсыздықтар үшін кешірім сұрады. Қазіргі уақытта анықталған кемшіліктерді жою бойынша шаралар күшейтіліп, барлық қажетті жұмыстар жедел режимде жүргізілуде.

Жұмыстарды аяқтау және су басу себептерін толық жою 6 ай ішінде жоспарланып отыр.

Қазақстан Республикасы Көлік министрлігі мұндай бұзушылықтар алдағы уақытта дереу тоқтатылатынын, азаматтық авиация саласындағы заңнама талаптарының сақталуына және авиациялық инфрақұрылым нысандарының үздіксіз жұмыс істеуіне қатаң бақылау қамтамасыз етілетінін мәлімдейді.

Дереккөз: ҚР Көлік министрлігі

Сообщение Алматы халықаралық әуежайының терминалын су басуына байланысты тиісті шаралар қабылданды появились сначала на SATMEDIA.KZ.

Қазақстан ТМД елдері ішінде соғыс ардагерлеріне ең жоғары төлем тағайындамақ. Жеңіс күніне орай 5 миллион теңгеге дейін берілетін біржолғы көмек көлемі өзге елдерден бірнеше есе асып түседі. 

2026 жылы Қазақстан Екінші дүниежүзілік соғыс ардагерлеріне Жеңіс күніне орай ең жоғары біржолғы төлемдердің бірін тағайындамақ. Елде бұл көмек көлемі шамамен 5 миллион теңгеге жетіп, Украина мен Беларусьтағы төлемдерден бірнеше есе асып түседі.

Салыстырмалы түрде алғанда, Украинада ардагерлерге берілетін көмек 11 мыңнан 60,5 мың теңгеге дейін ғана болса, Беларусьта осы көрсеткіш 715-825 мың теңге аралығында. Ал Өзбекстанда төлем көлемі Қазақстанға жуық шамамен 4,4-4,5 миллион теңге.

Ресейде базалық төлем әлдеқайда төмен шамамен 55 мың теңге. Дегенмен өңірлік үстемақыларды қосқанда, сома 440 мың теңгеге дейін өсуі мүмкін.

Дереккөз: stan.kz

Сообщение Қазақстан соғыс ардагерлеріне басқа елдермен салыстырғанда көбірек төлейді появились сначала на SATMEDIA.KZ.

Өскеменде өндіріс орнынан өрт шықты. Казцинк зауыты аумағындағы шаң ұстау цехында газ-ауа қоспасы жарылып, ғимараттың бір бөлігі қирап қалған.

Алдын ала ақпарат бойынша, қайғылы оқиға түтін сорғыш құрылғыны тазалау кезінде болған.

Компанияның алғашқы деректеріне сәйкес, түтін сорғышты тазалау барысында жарылыс болған. Содан кейін өрт шығып, ғимараттың кейбір конструкциялары ішінара құлаған.

“Оқиға салдарынан екі адам көз жұмды, тағы бес адам жарақат алған. Оларға медициналық көмек көрсетіліп жатыр”, – делінген хабарламада.

Компания қаза тапқандардың отбасыларына және зардап шеккендерге көмек көрсетілетінін мәлімдеді.

Оқиғаның себебін анықтау үшін арнайы комиссия құрылды. Сонымен қатар жарылыстың қоршаған ортаға әсері тексеріліп жатыр. Алдын ала мәлімет бойынша, тек жергілікті шаң таралуы тіркелген. Ол норма шегінен аспаған және қауіпті заттар анықталмаған.

Еске салсақ, бұған дейін Өскеменде зауытта жарылыс болып, құтқарушылар зардап шеккендерді іздеп жатқанын хабарлаған едік.

Дереккөз: Stan.kz

Сообщение Өскемендегі «Қазцинк» зауытындағы жарылыс: Екі адам қаза тапты появились сначала на SATMEDIA.KZ.

Қазақстанның Ыстанбұлдағы Бас консулы Нуриддин Аманқұлдың Маниса провинциясына жұмыс сапары аясында өңірдің жетекші өнеркәсіптік кәсіпорындарының басшыларымен бірқатар мазмұнды кездесулер ұйымдастырылды.

Кездесулер барысында композиттік материалдар, құрылыс индустриясы, пластик өнімдері, машина жасау, металл өңдеу, агроөнеркәсіп және өндірістік технологиялар салаларында жұмыс істейтін компаниялардың қызметі таныстырылды. Атап айтқанда, Fiber Kompozit, Logo Beton, Nat Plastik, Asr Makina, Namtek Makina, Sistem Oluklu Mukavva, Efestar, SKP, Osso, Agrotek, Hat İndüksiyon, Zenit, Miksan және Onuras компанияларының өндірістік әлеуеті мен экспорттық мүмкіндіктеріне ерекше назар аударылды.

Тараптар Қазақстан мен Түркия арасындағы сауда-экономикалық ынтымақтастықты одан әрі кеңейту мәселелерін талқылап, Қазақстанның қолайлы инвестициялық климаты, индустриялық аймақтары мен мемлекеттік қолдау тетіктері жөнінде жан-жақты пікір алмасты.

Кездесу қорытындысы бойынша, Маниса провинциясының бірқатар компаниялары Қазақстанның инвестициялық мүмкіндіктерін жоғары бағалап, Қызылорда, Жамбыл және Түркістан облыстарында, сондай-ақ Шымкент қаласында өндірістік жобаларды іске асыруға қызығушылық білдірді.

Осыған байланысты, 2026 жылғы мамыр айында Маниса өңірінің кәсіпкерлер делегациясының Қазақстанға сапары жоспарлануда. Аталған іссапар нақты инвестициялық жобаларды пысықтауға және екіжақты өнеркәсіптік кооперацияны дамытуға серпін береді деп күтілуде.

Дереккөз: ҚР СІМ баспасөз қызметі

Сообщение Түркияның Маниса өңірі Қазақстанмен сауда-инвестициялық ынтымақтастықты одан әрі кеңейтуге қызығуда появились сначала на SATMEDIA.KZ.

Үкімет резервінен 25 млрд теңгеден астам қаржы бөлу туралы шешім мақұлданды — Олжас Бектенов қаражаттың тиімді жұмсалуын бақылауда ұстауды тапсырды. Бұл туралы satmedia.kz тілшісі Үкімет үйіне сілтеме жасап хабарлайды.

Үкімет отырысында Премьер-министр Олжас Бектенов келесі жылыту маусымына дайындықты қамтамасыз ету үшін өңірлерге мемлекет тарапынан барлық қажетті қаржылық қолдау көрсетілетінін атап өтті.

«Үкімет тарапынан барлық қажетті қолдау көрсетілуде. Өткен аптада Роман Васильевич Скляр барлық өңірдің энергетика және тұрғын үй-коммуналдық шаруашылығы басқармалары басшыларының есептерін тыңдады. Бүгінде Үкімет резервінен 25 млрд теңгеден астам қаржы бөлу туралы шешім мақұлданды», — деді Олжас Бектенов Үкімет отырысында.

Премьер-министр бөлінген қаржының тиімді пайдаланылуы мен жұмыс мерзімінің сақталуына бақылауды күшейту қажеттігін атап өтті.

«Аталған қаражат Жетісу, Абай, Ақмола және Шығыс Қазақстан облыстарында жылу көздерін жөндеу мен салуға, сондай-ақ төрт өңірде 30 шақырымға жуық жылу желілерін жөндеуге бағытталды. Осы қаражаттың тиімді жұмсалуын және қол жеткізілген нәтижелерді бақылауда ұстау қажет. Қазірдің өзінде кейбір өңірлерде жұмыстардың созылып кету қаупі туындап отыр. Егер күзде өңірлерде энергия нысандарының дайындық паспорттарын алмайтын жағдайлар тіркелетін болса, онда өңір әкімдері тікелей жауап береді», — деп атап өтті Олжас Бектенов Үкімет отырысында.

Дереккөз: @KZgovernment

Сообщение Үкімет резервінен 25 млрд теңгеден астам қаржы бөлінеді появились сначала на SATMEDIA.KZ.