Ауыл шаруашылығы министрі Айдарбек Сапаров мемлекеттік қолдаудың тиімділігін арттыруды талап етті. Оның айтуынша, бөлінген қаржы өндіріс көлемін ұлғайтып, мал басын көбейтуге нақты әсер етуі керек. Бұл туралы ведомствоның баспасөз қызметі мәлім етті. 

Ендігі басты міндетіміз — жиналған өнімді жоғары деңгейде сақтай отырып, тиімді өткізу, ішкі нарықты отандық өніммен қамтамасыз ету және экспорт көлемін ұлғайту. Мемлекет басшысы Жолдауында халықтың табысын арттыру міндетін қойып, инфляцияны ауыздықтауға айрықша мән берді. Сондықтан азық-түлік бағасының негізсіз өсуіне жол бермеу мәселесі жергілікті атқарушы органдардың басты назарында болуы керек, — деді министр.

Дереккөз: @qazaqparat_kz

Сообщение Министр ескертті: мемлекеттік қолдауды тиімді пайдаланбаған өңірлер келесі жылы қаржысыз қалуы мүмкін появились сначала на SATMEDIA.KZ.

ҚР Денсаулық сақтау министрлігінің Медициналық және фармацевтикалық бақылау комитеті 2026 жылдың 9 айындағы бақылау және қадағалау қызметінің қорытындысын жариялады.

Тексеру нәтижелері бойынша аумақтық департаменттер заңнама талаптарын бұзған медициналық ұйымдардың лицензияларын сот тәртібімен тоқтату рәсімдерін бастады.

Нәтижесінде 78 медициналық ұйымның, оның ішінде стоматологиялық клиникалардың лицензиясы кері қайтарылды.

Дереккөз: ҚР Денсаулық сақтау министрлігі

Сообщение 9 айда 78 медициналық ұйым лицензиясынан айырылды появились сначала на SATMEDIA.KZ.

Мұны блогер Денис Денски мен балалардың ата-анасы мәлімдеді. Блогердің мәліметінше, 31 қазан күні Ташкенттегі қонақүйлердің бірінде таңғы ас ішкен соң балалар мен ересектердің іші ауырып, дене қызуы көтерілген. Бір тәуліктің ішінде 15 бала сырқаттанған.

Ал ата-аналар жұмыртқа жемеген сегіз баланың дін аман екенін айтады. Сондықтан олар балалар жұмыртқадан уланған болуы мүмкін деп күдіктеніп отыр.

Оның үстіне Ташкенттегі дәрігер балаларға улану диагнозын қойған. Дегенмен зертханалық сараптама нәтижелері әлі шықпағандықтан, балалардың неден ауырғаны әзірге белгісіз күйде қалып отыр.

Қазақстанның Ташкенттегі елшісі жағдайдан хабардар. Қазір зардап шеккен балалардың ата-анасы тексеру қорытындысын күтіп отыр.

Дереккөз: t.me/stankznews

Сообщение Ташкенте жарысқа барған қарағандылық 15 футболшы уланды появились сначала на SATMEDIA.KZ.

Ақтөбеде есірткі саудасынан түскен ақшаны криптовалютаға айырбастаған қылмыстық топ ұсталды.

Тергеу дерегінше, топқа сегіз адам кірген. Олар 22 банк картасын пайдаланып, тәулігіне 50-70 төлем қабылдаған. Жалпы сомасы 918 мың USDT-ден асатын қаражатты есірткі саудасын ұйымдастырушылардың криптоәмияндарына аударған. Топ жетекшісі қамауға алынды. Тергеу жалғасып жатыр.

Дереккөз: t.me/stankznews

Сообщение Есірткі сататын интернет-дүкенге ақша аударып отырғандар ұсталды появились сначала на SATMEDIA.KZ.

Елімізде шаруалардың заманауи ауыл шаруашылығы техникасын сатып алуына көрсетілетін мемлекеттік қолдау жыл сайын артып келеді. Биыл жеңілдетілген лизинг бағдарламасына бөлінген қаржы көлемі 350 млрд теңгеге дейін ұлғайтылды. Бағдарламаның игілігін, әсіресе, шағын және орта шаруашылықтар көріп отыр. Мәселен, өткен жылы лизинг алушылардың 99,9%-ын осы санаттағы кәсіпкерлер құрады.

Ауыл шаруашылығының өркендеуі, ең алдымен, шаруалардың техникалық базасын жаңартуға байланысты. Заманауи техника еңбек өнімділігін арттырып қана қоймай, егіс және орақ науқандарын уақытылы өткізуге, шығындарды азайтуға әрі мол өнім алуға мүмкіндік береді. Осыны ескере отырып, Ауыл шаруашылығы министрлігі шаруалардың жаңа техника сатып алуын жеңілдету мақсатында жеңілдетілген лизинг бағдарламасын кезең-кезеңімен кеңейтіп келеді.

Бағдарлама аясында ауыл шаруашылығы техникасын жылдық 5% мөлшерлемемен, 7 жылға дейінгі мерзімге алуға болады. Бастапқы жарна техника құнының 10%-ынан басталады. Мұндай тиімді шарттар шаруалардың қаржылық жүктемесін жеңілдетіп, қомақты қаражатты бірден жұмсамай-ақ техника паркін жаңартуына мүмкіндік береді.

Бұл тетік, әсіресе, шағын және орта шаруашылықтар үшін маңызды. Өткен жылдың қорытындысы бойынша жеңілдетілген лизинг алушылардың 98,1%-ы шағын бизнес өкілдері болса, 1,8%-ы орта бизнес субъектілері болды. Ал ірі кәсіпорындардың үлесі небәрі 0,1%-ды құрады. Бұл жеңілдетілген лизингтің, ең алдымен, ауылдағы шағын және орта шаруашылықтарды қолдауға бағытталғанын көрсетеді.

Бағдарлама аясындағы қолдау көлемі жыл сайын артып келеді. Мәселен, 2024 жылы жеңілдетілген лизингке 120 млрд теңге бөлініп, соның арқасында 3,9 мың шаруашылық 4,3 мың бірлік ауыл шаруашылығы техникасын сатып алды. 2025 жылы қаржыландыру көлемі 250 млрд теңгеге дейін ұлғайды. Нәтижесінде 4,4 мыңнан астам шаруашылық 9 мың бірлік техникамен толықты.

Ал 2026 жылы бағдарламаға бөлінген қаржы көлемі 350 млрд теңгеге жетті.

Жыл басынан бері ауыл шаруашылығы тауарын өндірушілермен жалпы сомасы 294 млрд теңгені құрайтын 8,2 мың лизинг шарты жасалды. Нәтижесінде шаруашылықтарға 9,3 мыңнан астам жаңа техника жеткізіледі.

Осылайша, екі жыл ішінде бағдарламаны қаржыландыру көлемі үш есеге жуық артты. Ал жеңілдетілген лизингпен қамтылған шаруашылықтар саны 2024 жылмен салыстырғанда екі еседен астам өсті.

Техниканы жаңарту – шаруашылықты жаңа машиналармен толықтыру ғана емес, ауыл шаруашылығы өндірісінің тиімділігін арттыратын маңызды қадам. Жаңа техника егіс және жиын-терін жұмыстарын оңтайлы мерзімде жүргізуге, еңбек өнімділігін арттыруға, жанар-жағармай мен техниканы күтіп ұстау шығындарын азайтуға мүмкіндік береді. Мұның бәрі түптеп келгенде өндірістік шығындарды қысқартып, өнім өндіру тиімділігін арттыруға ықпал етеді.

Ауыл шаруашылығы министрлігі шаруалардың жеңілдетілген қаржыландыру тетіктеріне қол жеткізу мүмкіндігін одан әрі кеңейтуді көздеп отыр. Бұл жұмыс ауыл шаруашылығы техникасын жүйелі түрде жаңартуға, шаруашылықтардың өндірістік әлеуетін нығайтуға және еліміздің агроөнеркәсіптік кешенін дамытуға бағытталған.

Дереккөз: ҚР Ауыл шаруашылығы министрлігінің баспасөз қызметі

Сообщение Жеңілдетілген лизинг көлемі 350 млрд теңгеге жетті появились сначала на SATMEDIA.KZ.

2026 жылғы егін жинау науқанының қорытындысы бойынша Қазақстанда 24,3 млн тонна астық жиналды. Бұл — соңғы 15 жылдағы ең жоғары көрсеткіштердің бірі. Осы уақыт аралығында мұндай нәтижеден жоғары көрсеткіш тек екі рет тіркелген.

Бұл нәтиже отандық ауыл шаруашылығының мүмкіндігі жоғары екенін және диқандардың елді азық-түлікпен қамтамасыз етуге қосқан үлесін көрсетеді.

Биыл жиналған астықтың көлемі ғана емес, сапасы да жақсы. Алдын ала мәліметтер бойынша, элеваторларға тапсырылған жұмсақ бидайдың шамамен 72%-ы үшінші сыныпқа жатады.

Зерттелген бидай үлгілерінің 48%-ында дән маңызының мөлшері 28%-дан жоғары. Ақмола облысында үшінші сыныпты бидайдың үлесі 90%-ға, ал ақуызы жоғары Hi-Pro санатындағы бидайдың үлесі 70%-ға жетті.

Астық сапасының жоғары болуы оны азық-түлік өндіруге кеңінен пайдалануға, өңдеу кәсіпорындарын дамытуға және қазақстандық өнімнің шетелдік нарықтардағы бәсекеге қабілеттілігін арттыруға мүмкіндік береді.

Қазақстан астық экспортында да жоғары нәтижелер көрсетіп отыр. Соңғы екі маркетингтік жылда еліміз 15,5 млн және 16 млн тонна астық пен ұн экспорттады. Бұл — тәуелсіздік жылдарындағы рекордтық көрсеткіштер.

«Қазақстан темір жолы» ҰК» АҚ мәліметінше, 2026 жылғы қыркүйектен 19 қазанға дейін Қазақстан 1,657 млн тонна астық экспорттаған. Бұл өткен кезеңмен салыстырғанда 9%-ға көп.

Ауыл шаруашылығының өнімділігін арттыру үшін мемлекет аграршыларды қолдау және саланы жаңғырту жұмыстарын жалғастырып келеді. Атап айтқанда, шаруаларға жеңілдетілген несие беру, ауыл шаруашылығы техникасын жаңарту, сапалы тұқымдар мен минералды тыңайтқыштарды жеткізу, заманауи технологияларды енгізу жұмыстарына басымдық берілуде. Сонымен қатар жер мен суды тиімді пайдалану және климаттың өзгеруіне бейімделу мәселелеріне көңіл бөлінуде.

Соңғы үш жылда минералды тыңайтқыштарды қолдану көлемі үш есеге жуық өсті. 2025 жылы шаруалар 1,8 млн тонна тыңайтқыш пайдаланған. Ал 2026 жылы жоспарланған 2,3 млн тоннаның 2,1 млн тоннасы егістікке енгізілді. Сапалы элиталық тұқымдардың үлесі 12%-ға жетті. Бұл алдағы уақытта өнім көлемі мен сапасын арттыруға ықпал етеді.

Биыл егін жинау жұмыстарына 130 мыңнан астам трактор, 29 мың астық жинайтын комбайн, 17 мың жатка және басқа да 130 мыңға жуық ауыл шаруашылығы техникасы жұмылдырылды.

Ауыл шаруашылығы техникасын жаңарту нәтижесінде оның тозу деңгейі 2023 жылғы 85%-дан 2025 жылы 65%-ға дейін төмендеді. 2026 жылдың қорытындысы бойынша техниканы жаңарту деңгейін 8%-ға жеткізу жоспарланып отыр.

Шаруаларға техника сатып алуға жеңілдетілген лизинг бағдарламасы да көмектесуде. Бағдарлама басталғалы бері аграршылар 12,7 мыңнан астам трактор мен 2 340 астық жинайтын комбайн сатып алды. Бүгінде осы бағдарлама арқылы алынған техника еліміздегі тракторлар мен астық жинайтын комбайндардың жалпы санының шамамен 10%-ын құрайды.

Алдағы уақытта ауыл шаруашылығындағы негізгі міндеттер — өнім көлемін арттыру, астық сапасын жақсарту, заманауи технологияларды кеңінен енгізу және шаруаларды қажетті техникамен, тұқыммен, тыңайтқышпен қамтамасыз ету.

Бұл жұмыстар ауыл шаруашылығының тұрақты дамуына, климаттық өзгерістер мен сыртқы қиындықтарға төтеп беруіне және еліміздің экспорттық әлеуетін арттыруға мүмкіндік береді.

Дереккөз: ҚР Ауыл шаруашылығы министрлігі

Сообщение Қазақстан 24,3 млн тонна астық жинады появились сначала на SATMEDIA.KZ.

Қанды оқиға биыл 4 шілдеде Қызылорда облысының Арал ауданында болған. Облыстық прокуратураның мәліметінше, сол күні сотталған тұрғын мен ұлының арасында өз үйінде кикілжің туған.

– Отбасылық жанжал кезінде ол пышақпен ұлының кеуде тұсынан, қолының ішкі тұсынан, басынан пышақ жарақатын салып, жүрек тамырын зақымдап, соның салдарынан жәбірленуші қайтыс болған. Қызылорда облысының қылмыстық істер жөніндегі мамандандырылған ауданаралық сотының үкімімен сотталған Қылмыстық кодекстің 99-бабының 1-бөлігімен кінәлі деп танылып, оған 8 жыл мерзімге бас бостандығынан айыру жазасы тағайындалды, – делінген хабарламада. 

Дереккөз: @qazaqparat_kz

Сообщение Ұлын өлтірген қызылордалық 8 жылға сотталды появились сначала на SATMEDIA.KZ.

Алдағы қараша айынан бастап Қазақстанға кірудің жаңа талаптары қолданыла бастайды. Оның аясында енді шетел азаматтарынан елге келмес бұрын электрондық рұқсат алу талап етіледі. Ал, 2027 жылғы 1 шілдеден бастап мұндай рұқсаттың болмауы мемлекеттік шекарадан өтуге тыйым салуға негіз болуы мүмкін, деп хабарлайды inbusiness.kz.

Жаңа жылдың ортасына дейін жаңа жүйе кезең-кезеңімен енгізіледі, өтпелі кезеңде электрондық рұқсат алу ұсынымдық сипатта болады. Жаңа талаптар Қазақстанның одақтастары саналатын Ресей, Беларусь, Армения және Орталық Азия елдерінің азаматтарына да қатысты.

Өзгерістерге ҚР Үкіметінің 2026 жылғы 10 қазандағы №890 қаулысы негіз болды. Бұл құжатпен «Көшіп келушілердің Қазақстан Республикасына келуінің және онда болуының, сондай-ақ олардың Қазақстан Республикасынан кетуінің қағидаларына» өзгерістер енгізілді. Қаулы 2026 жылғы 24 қазанда күшіне енді.

Дереккөз: t.me/atamekenbusiness_qaz

Сообщение 2027 жылдан шетелдіктер Қазақстанға арнайы рұқсатсыз келе алмайды появились сначала на SATMEDIA.KZ.

Өзбекстан азаматтары алтынды шекарадан өткізудің ерекше тәсілін ойлап тапқан. Олар қымбат металды кеденшілерден жасыру үшін чемоданның ішкі астарына және жүк орамына алтын бөлшектерін жалатып, сырлап қойған.

Осылайша Шымкент әуежайы арқылы Түркияға құны 227,8 млн теңге болатын 2,8 келіге жуық алтынды заңсыз алып өтпек болған.

Көлік прокуратурасының өтініші бойынша сот үкім шықпай тұрып металды мемлекет пайдасына тәркілеу туралы шешім шығарды. Күдіктілерге халықаралық іздеу жарияланды. Тергеу жалғасуда.

Дереккөз: t.me/atamekenbusiness_qaz

Сообщение Шымкенттен Түркияға 227 млн теңгенің алтынын жасырын алып өтпек болған появились сначала на SATMEDIA.KZ.

Қазақстан, Қырғызстан, Тәжікстан, Өзбекстан және Әзербайжан QR-төлем жүйелерін біріктіруді жоспарлап отыр.

Осылайша шетелде жүргенде өзіміздің банк қосымшамыз арқылы төлем жасай аламыз. Жергілікті төлем жүйесін іздеудің қажеті болмайды.

Біріктіру механизмін 2026 жылдың соңына дейін дайындау көзделген. Сонымен қатар 5 ел тұрғындары арасында ақшаны лезде аудару мүмкіндігі де қарастырылады.

Келісім Тәжікстанда өткен ұлттық банк өкілдерінің өңірлік кездесуінде жасалды.

Дереккөз: t.me/atamekenbusiness_qaz

Сообщение Қазақстандықтар 5 елде QR-кодпен төлей алады появились сначала на SATMEDIA.KZ.