Келіндер байқауы өтті
Наурызнама онкүндігі аясында Сарыағаш аудандық мәдениет үйінде қазақтың салт-дәстүрі мен әдет-ғұрпын жастар арасында кеңінен насихаттау мақсатында “Әдепті келін – әулеттің көркі” атты байқау өтті. Жас келіндер арасында ұйымдастырылған сайысқа қала мен округтерден 10 азаматша қатысты. Әр отбасының ұйытқысы болған жас келіндердің байқауы туралы келесі сюжетте.
Ашық біріншілік
Жұмысшы мамандықтар жылына орай, «Қапланбек» агротехникалық колледжінде спорттың бес түрі бойынша ашық біріншілік өтті. Мақсат – салауатты өмір салтын ұстауға шақыру, жастар арасында достықты нығайтып, бұқаралық спортты дамыту. Колледж студенттері арасында өткен біріншілік туралы алдағы сюжетте.
Құндылықтар әспеттелді
Наурызнама онкүндігінде исі қазаққа тән барша салт-дәстүрлер мен ұлттық құндылықтар ұлықталмақ. Мәселен, «Ұлттық киім» күніне орай Дархан елді мекенінде ою-өрнекпен көмкерілген қазақы киімдеріміз насихатталып, әдет-ғұрыптарымыз дәріптелді.
Ұлттық киім ұлықталған күн
Наурызнаманың окүндігіне сай 18 наурыз – Ұлттық киім күні. Ұлттың болмысы мен мәдениетін айқындап тұратын негізгі факторлардың бірі де дәл осы төл нақыштағы киім екені рас. Айтулы датаға орай, Сарыағаш ауданының әкімі Арман Абдуллаев бастаған әкімдік қызметкерлері жұмысқа ою-өрнекпен әрленген ұлттық киімдерін киіп келді.
«Бабадан қалған аманат – дәстүріңді бағала»
Сарыағаш аудандық тарихи-өлкетану мұражайында «Бабадан қалған аманат – дәстүріңді бағала» атты шара өтті. Мақсат – музейге келушілергді ұлттық құндылықтарымызды қадірлеуге шауқыру, әрбір экспонаттың тарихын түсіндіру. Іс-шара мектеп оқушылары арасында сайыс түрінде ұйымдастырылды.
«Әбіш оқулары» байқауы
ҚР-ның Халық жазушысы, мемлекет және қоғам қайраткері, қазақ әдебиетінің алып өкілі Әбіш Кекілбаевтың мол мұрасын насихаттау мақсатында аудандық Әбіш оқулары байқауы өтті. Дербісек ауылдық округіндегі №79 жайлы мектеп ғимаратында өткен әдеби сайысқа аудандық білім бөліміне қарасты 12 мектептің оқушылары қатысты. Жас көркемсөз шеберлері түскен рухани бәйге туралы алдағы сюжетте.
Р.Асылбекұлының жеке қабылдауы
Сарыағаш аудандық мәслихатының төрағасы Рысбек Асылбекұлы жеке қабылдау өткізді. Қабланбек ауылдық округінің әкімдігінде өткен қабылдауға тұрғындар түрлі мәслелерімен келіп, өтініш-тілектерін білдірді. Толығырақ, тілші материалында.
Мерекелік дөңгелек үстел
8 наурыз – Халықаралық әйелдер күні мерекесі. Жылдың ең әсем мерекесіне орай, аудан әкімі Арман Айдарұлы өңіріміздің әлеуметтік-экономикалық дамуына өлшеусіз үлес қосып жүрген әйелдер қауымын мерекемен құттықтап, арнайы жиын өткізді. Мерекелік қабылдауға көпбалалы аналар, ардагерлер мен жұмыскер нәзікжандылар қатысты. Өңір басшысы жарқын мерекемен жиналғандарды құттықтап, ақ тілегін арнады.
Ғасыр жасаған әжелерге құрмет көрсетілді
Көктемнің шуақты мерекесі – 8 наурыз Халықаралық әйелдер күні мерекесіне орай аудандағы жасы 100-ден асқан, ұзақ жылдар қызмет етіп, ауданымыздың дамуына айрықша үлес қосқан әжелердің шаңырақтарына аудан басшысы Арман Абдуллаев арнайы барып, құрмет көрсетті. Одан соң, аудандық перзентханадағы аналарды мерекемен құттықтады.
«Ана – гүл, ана – өмір шуағы»
Әйел – шаңырақтың шырағы, ұлттың ұйытқысы. Халықаралық әйелдер күніне орай, Сарыағаш аудандық мәдениет үйінде ауқымды мерекелік кеш өтті. «Ана – гүл, ана – өмір шырағы» атты шараға аудан басшысы мен аудандық мәслихат төрағасы қатысып, нәзіжандыларды мейраммен құттықтады. Кештің арнайы қонағы Оразкүл Асанғазы аналар қауымын – өмір сиволына теңеп, әйелдердің қоғамдағы орнына ерекше тоқталып өтті. Мерекелік кештен арнайы Айгерім Айтбаева жалғайды.