Сессия шешімі
Маңызды шешімдер қабылданған аудандық мәслихаттың кезектен тыс 44-ші сессия отырысында төрт өзекті мәселе талқыға түсті. Жиынға 24 депутаттың 19-ы қатысты. Сессия отырысында жаңа бөлім басшылары таныстырылды.
Қамқорлық пен қуаныш күні
1-маусым Халықаралық балаларды қорғау күніне орай, аудандық мәдениет үйінде мерекелік шара өтті. Қалалық әкімдіктің ұйымдастырумен өткен жиынның мақсаты – ерекше балаларға көтеріңкі көңіл-күй сыйлау. Концерттік бағдарлама кезінде мүмкіндігі шектеулі бүлдіршіндерге сыйлықтар үлестірілді.
«Су көздері халыққа тиесілі»
Дербісек елді мекеніндегі «ТП-32» ауыз су ұңғымасына қатысты мәселе бүгінде облыс әкімдігінің тұрақты бақылауында. Аталған су нысаны ұзақ жылдар бойы «Рауан» ЖШС-нің пайдалануында болған. Алайда биылғы жылдың 25 сәуірінде жалға алу мерзімінің аяқталуына байланысты мәселе сот тәртібімен қаралды. Нәтижесінде, «Рауан» ЖШС-нің жер учаскесіне қатысты құқық белгілейтін құжаттарының күші жойылды. Осыған қатысты Дербісек ауылында брифинг өтті.
«Салауатты сана»
Сарыағаш қаласындағы Қапланбек агротехникалық колледжінде жаңа Конституция бағытын қамтыған маңызды кездесу өтті. Жиын барысында қоғамдағы бірлік пен тұрақтылықты нығайту мәселелері талқыланды. “Салауатты сана” жобасы негізінде жүргізіліп жатқан жұмыстар сөз болды. Авторлар: Айгерім Айтбаева, Марат Жолдас
Отан алдындағы борыш
ҚР Қарулы Күштері құрамындағы 35/748 әскери бөлімінің мерзімді әскери қызметшілері Дарбаза оқу полигонында далалық оқу-жаттығуларын өткізді. Әскери міндетті шараға 200 жас сарбаз қатысты. Мақсат – өрендерді әскери ант қабылдауға дейінгі бастапқы жауынгерлік дайындықтан өткізу, Отан қорғау жолындағы ерік-жігерлерін шыңдау.
Жастарға берілген мүмкіндік
Мемлекеттік саясаттың басым бағыттарының бірі – жастарды білім мен тәрбиеге баулу, олардың мәдени-рухани дамуына қолдау көрсету және кәсіби біліктілігін жетілдіру. Нәтижесінде, жастардың әлеуетін еліміздің тұрақты әрі қарқынды дамуына бағыттау көзделеді. Бүгінде ауданымызда мемлекеттік қызметке конкурстық іріктеусіз орналасқан жас мамандар көбеюде. Солардың бірі – Ханзада Шабанова Құркелес ауылдық округінің әкімдігінде жұмыс атқарып жүр.
Түркістан төрінде жарқыраған сарыағаштықтар
Түркістан төрінде Сарыағаш ауданының өнерпаздары көрермен қошеметіне бөленді. “Өнерлі өлке” фестивалі аясында саялы өңір өнерпаздары қала тұрғындары мен шетелдік туристерді таңдай қақтырды. «Керуен сарай» кешенінде ұлттық көрмемен басталған науқан, кешкі гала-концертке жалғасты. Толығырақ, Айгерім Айтбаеваның сюжетінде.
Маңызды конференция
Авторлар: Айгерім Айтбаева, Аман Асылбек
Мәдениет майталмандарына құрмет
21 мамыр – Мәдениет және өнер қызметкерлері күні. Айтулы мейрамға орай, аудандық мәдениет үйінде сала қызметкерлеріне құрмет көрсетілді. Мәдениет майталмандарына арналған салтанатты жиынға аудан әкімінің орынбасары Нұрполат Талипов пен аудандық мәслихат хатшысы Рысбек Асылбекұлы арнайы қатысты.
«Өзіңе сен» қайырымдылық кеші
Авторлар: Айгерім Айтбаева, Айдос Дәулет