Қоғам бренді – үлгілі отбасылар
Отбасы құндылықтарын дәріптейтін “Мерейлі отбасы” бірегей жобасының өңірлік кезеңі өткен болатын. Ұлттық байқауға қатысып, өнегелі жанұяның жарқын көрінісін көрсеткен жұптарды бүгін аудан әкімінің орынбасары Нұрполат Талипов қабылдап, қатысушыларды марапаттады. Татулығы мен сыйластығы жарасқан, жарты ғасырдан аса бір шаңырақ астында ғұмыр кешіп, отбасы институтын нығайтуға өз үлестерін қосып жүрген жұбайлар туралы алдағы сюжетте.
Сот төрағасы тағайындалды
Сарыағаш аудандық сотына жаңа төраға тағайындалды. Әбдусейіт Әшірбаев еңбек жолын 2003 жылы бастап, 2017 жылға дейін сот орындаушысы қызметін атқарған. 2017 жылдан бері Сайрам аудандық соты судьясы болып қызмет етті. Жаңа төрағаны таныстыру рәсіміне аудан активтері қатысты. Өңір басшысы Арман Абдуллаев сот төрағасына жауапты қызметінде табыс пен сәттілік тіледі. Сонымен қатар, сот жүйесінің тиімділігін арттыру және заң үстемдігін қамтамасыз ету жолындағы жұмысына жеміс тіледі.
«Жеті қазына»
Сарыағаш қаласында «Жеті қазына» ұлттық тағамдар мейрамханасы салтанатты түрде ашылды. Қала тұрғындары мен қонақтары үшін ерекше қуанышқа айналған бұл нысанның ашылу рәсіміне ауданның зиялы қауым өкілдері, кәсіпкерлер және аудан активі қатысты.
«Спорт арқылы тәртіпке шақырамыз»
Сарыағаш ауданында «TUR WORKOUT – ТӘРТІПКЕ ТАРТЫЛ» облыстық жастар турнирі өтті. Жобаның мақсаты – жастар арасында салауатты өмір салтын насихаттау, құқықтық мәдениетті қалыптастыру, азаматтық жауапкершілікті арттыру. “Заң мен тәртіп” қағидаты аясында ұйымдастырылған облыстық шара туралы алдағы сюжетте.
Таланттар триумфы
Сарыағаштық жас термеші мен «Тамыр» жастар театры облыстық байқауда топ жарды. Жас өнерпаздар “Балтаңдай” облыстық балалар шығармашылығы фестивалінде жоғары деңгейде өнер көрсетіп, жүлделі орынмен оралды. Үздіктер қатарынан көрінген өнерлі жастар мен жетекшілері туралы алдағы сюжетте.
Айналма жол мәселесі
Халықаралық транзит үшін аса маңызды Сарыағаш қаласындағы айналма жол мәселесіне қатысты аудан әкімдігінде жиын өтті. Республикалық маңызы бар жаңа автомобиль жолы шеңберіндегі мәжіліске облыстық мәслихат төрағасы Нұралы Әбішов бастаған халық қалаулылары, аудан әкімі мен орынбасарлары, жауапты мамандар мен мердігер компания өкілдері қатысты. Құрылыс мерзімі 4 жылды қамтитын жобада қандай өзгерістер орнады? Бірге білейік.
Шешуші сәт жақын
Халықаралық транзит үшін аса маңызды Сарыағаш қаласындағы айналма жол мәселесіне қатысты аудан әкімдігінде ауқымды жиын өтті. Республикалық деңгейдегі жаңа автомобиль жолы шеңберіндегі мәжіліске облыстық мәслихат төрағасы Нұралы Әбішов бастаған халық қалаулылары, аудан әкімі мен орынбасарлары, жауапты мамандар мен мердігер компания өкілдері қатысты. Құрылыс мерзімі 4 жылды қамтитын жобада қандай өзгерістер орнады? Бірге білейік.
Билік пен бұқараға ортақ міндет
5 маусым – Дүниежүзілік қоршаған ортаны қорғау күніне орай, Сарыағаш ауданында ауқымды тазалық акциясы өтті. Таңғы сағат 08:00-де ауданның орталық саябағында басталған сенбілікке мемлекеттік мекемелердің қызметкерлері мен тазалықшылар, тұрғындар белсенді қатысып, өңірдің тазалығы мен көркеюіне өз үлестерін қосты.
Айбынды шеру
4 маусым – Қазақстан Республикасының Мемлекеттік рәміздері күніне орай, еліміздің барлық өңірінде ұлттық болмысымызды дәріптеуге бағытталған мәдени іс-шаралар ұйымдастырылды. Солардың бірі – Сарыағаштың төрінде ерекше сән-салтанатымен көзге түскен сәйгүліктер шеруі.
Тәтті өнер
Халықаралық балаларды қорғау күніне орай, «Айдана» кондитерлік үйі бүлдіршіндер үшін ерекше мереке ұйымдастырды. Ұжым балақайларға арнап шеберлік сабақтарын өткізді. Кішкентай ханшайымдар тәтті өнімдерін безендірудің қыр-сырын меңгерді.