ҚҰҚЫҚТЫҚ КЕҢЕС
Президент Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында айқындалған басым бағыттарды іске асыру аясында елімізде заң мен тәртіп қағидаттарын нығайтуға ерекше мән берілуде. Осыған орай, Сарыағаш ауданында тұрғындарға құқықтық көмек көрсетуге арналған «Ашық есік күні» республикалық акциясы ұйымдастырылды. Шарада заң консультанттары тұрғындарға сауалдары бойынша тегін кеңес берді.
АУҚЫМДЫ СЕНБІЛІК
Сарыағаш ауданында «Таза Қазақстан» акциясы аясында ауқымды сенбілік ұйымдастырылды. Эко-шараның мақсаты – тұрғындар арасында қоршаған ортаны қорғауға деген жауапкершілікті арттыру және аймақ тазалығын сақтау. Сенбілікке Арман Айдарұлы бастаған мемлекеттік мекемелердің қызметкерлері белсене қатысып, қала мен ауыл аумақтарын тазалау жұмыстарына жұмылды.
ҒИБРАТҚА ТОЛЫ ҒҰМЫР
Жүзімдік ауылындағы №31 Шоқан Уәлиханов атындағы жалпы білім беретін мектебінде ерекше мәнге ие, көпке үлгі боларлық тағылымды шара өтті. Білім ұясының ұжымы ұлағатты ұстаз Перне Қалымбетованы құрметпен зейнет демалысына шығарып салды. Қимастықпен қоштасқан әріптестері үшін бұл- мұғалімді зейнетке шығарып салу кезеңі ғана емес, тұтас бір дәуірмен қоштасқандай әсер қалдырған тағылымды сәттердің біріне айналды.
«ТАҢБАЛЫ ҚАЛАМ, ТАҒЫЛЫМДЫ ҒҰМЫР»
Сарыағаш аудандық мәдениет үйінде журналист Тәңір Нұржановтың 100 жылдығына арналған аудандық буктрейлер байқауы өтті. Байқауда аудан аумағындағы мектептердің оқушылары бақ сынады. Ал Алматы, Тараз қалаларының қатысушылары онлайн форматта қатысты. Мақсат – жас ұрпақтың кітап оқуға деген қызығушылығын арттыру, шығармашылық қабілеттерін дамыту және Тәңір Нұржановтың еңбектерін насихаттау.
ДЕРБІСЕКТЕГІ ДҮБІРЛІ ТОЙ
Дербісек ауылында Наурыз мерекесі дәстүрлі түрде, кең көлемде тойланды. Ауыл тұрғындары көтеріңкі көңіл күйде мерекелік дастархан жайып, ұлттық тағамдардан дәм ұсынды. Мерекелік шараны 2002 жылы туған ауыл жастары ұйымдастырды.
САРЫАҒАШ ТӨРІНДЕГІ ӘЗ – НАУРЫЗ
Сарыағаш төрінде әз-Наурыз мерекесі кең көлемде тойланды. Ұлыстың ұлы күніне арналған салтанатты шара ұлттық нақышта безендіріліп, қазақ халқының бай мәдениеті мен дәстүрін айшықтады. Мерекелік той-думанда халқымыздың салт-дәстүрлері көрініс тапты. Алаңда киіз үйлер тігіліп, қонақтарға ұлттық тағамдар ұсынылды.
ӘЗ-НАУРЫЗ
С. Исмайылов атындағы жалпы орта мектебінде ұлыстың ұлы күні – Наурыз мерекесі кең көлемде тойланды. Мерекелік шара барысында халқымыздың салт-дәстүрлері, ұлттық құндылықтары
дәріптелді. Ұйымдкстырушылар Наурыз мерекесі – бірлік пен татулықтың, жаңару мен жаңғырудың символы екенін тағы бір мәрте дәлелдеді.
ӨТКЕНГЕ ЖАҢА ЛЕП БЕРГЕН КҮН
Наурызнама онкүндігі бойынша бүгін ұлттық киім күні. Жылдағы дәстүрге сәйкес, аудан әкімі бастаған мемлекеттік қызметкерлер бұл күнде ұлттық нақыштағы киімдерін киіп, айтулы үрдісте белсенділік танытты. Қазақы кәжекейлер мен ұлттық болмысымызды әспеттейтін шапандар киіп, ажарлана түскен депутаттар да “ұлттық киім күнін” елеусіз қалдырмады.
БАСТЫ ҚҰЖАТ ҚАБЫЛДАНҒАН КҮН
Енді 15 наурыз – Конституция күні боп белгіленеді. Бұл туралы мемлекет басшысы Қасым-Жомарт Тоқаев референдумға белсене қатысқан жастармен кездесуінде айтты. Айтып өтейік, Exit-poll нәтижелеріне сәйкес, қазақстандықтардың 86,7% референдумда жаңа Конституция жобасын қолдаған. Сарыағаштықтар референдум нәтижесі туралы не дейді екен? Бірге білейік.
РЕФЕРЕНДУМ – 2026
Еліміздегі маңызды саяси оқиғалардың бірі – жаңа конституциялық жоба бойынша өткізілген референдум аясында аудан тұрғындары белсенділік танытуда. Аймақ тұрғындарымен бірге аудан әкімі Арман Айдарұлы да өз таңдауын жасап, референдум учаскесіне келіп дауыс берді. Сонымен қатар, № 643 дауыс беру учаскесінде халық қалаулылары мен зиялы қауым өкілдері де өз таңдауларын жасады.