ТЕМІР ЖОЛ ҚҰРЫЛЫСЫ ҚАЩАН АЯҚТАЛМАҚ?
Мәжілісмен Темір Қырықбаев Түркістан облысына жұмыс сапары барысында Сарыағаш ауданына келді. Аманат партиясының мүшесі бірқатар стратегиялық маңызы бар нысандардың жұмысымен танысты. Сонымен қатар, халық қалаулысы аудан тұрғындарын қабылдап, әрбір азаматтың мәселесін тыңдады, ашық диалог құрды.
«БҰЗАҚЫ – БАТЫРЛАР» ЖАЗАЛАНДЫ
Тура бір жыл бұрын құқық қорғау саласында отбасылық-тұрмыстық зорлық-зомбылыққа қарсы күрес бөлімі өз қызметін бастады. Аталған топтың жұмысы тұрмыстық зорлық-зомбылыққа қарсы күресте жинақталған жүйелік мәселелерді шешуге, сондай-ақ азаматтардың құқықтары мен қауіпсіздігін қамтамасыз етуге бағытталған. Сарыағаш ауданында бір жылда қанша тұрмыстық зорлық-зомбылық дерегі тіркелген? Агрессорлармен қандай психологиялық жұмыстар жүргізілуде? Мамандар айтып берсін.
Орталық алаңдағы жаңа жыл кеші
Сарыағаштықтар Жаңа жылды жылдағы дәстүр бойынша орталық алаңда қарсы алды. Тұрғындар мемлекет басшысы Қасым-Жомарт Тоқаевтың жаңа жылдық тілегін тікелей эфирде тыңдады. Аудан активтері де сарыағаштықтарды жаңа жылмен құттықтап, ақжарма тілектерін арнады.
Қос ауылдағы қуаныш
Енді он мыңнан аса тұрғын “басы ауырып, балтыры сыздаса” өз елді мекеніндегі дәрігерлік амбулаториядан ем алуға мүмкіндік алды. Жаңа жыл қарсаңында мемлекет басшысының тапсырмасына сәйкес, Төңкеріс және Береке елді мекендерінде дәрігерлік амбулатория халық игілігіне тапсырылды. Медициналық нысандардың ашылу салтанатына аудан әкімі Арман Айдарұлы мен аудандық мәслихат төрағасы Рысбек Асылбекұлы қатысты. Қос ауыл тұрғындарының қуанышымен әріптесім бөлісіп қайтты.
Тиісті шешім қабылданды
Сарыағаш аудандық мәслихатының кезектен тыс 39-сессиясы өтті. Асылбек Рысбекұлы төрағалық еткен сессия отырысына әкім орынбасары Нұрполат Талипов, жауапты бөлім басшылары мен ауылдық округ әкімдері, сондай-ақ, 18 депутат қатысты. Маңызды жиында екі мәселе қаралды. Толығырақ алдағы сюжетте.
Тұрғындарға арналған сый
Сарыағаш ауданында мереке қарсаңында қос медициналық нысан пайдалануға берілді. Жаңаталап және Атамекен елді мекендерінде бой көтерген медициналық нысандардың ашылу салтанатына аудан әкімі Арман Абдуллаев, облыстық мәслихат депутаты Алмас Салимов пен аудандық мәслихат төрағасы Рысбек Асылбекұлы қатысты. Шаттыққа кенелген тұрғындардың қуанышымен әріптесім бөлісіп қайтты.
Үйірме әлемі
№20 Т.Бердияров атындағы жалпы білім беретін мектебінде “Үйірмелер әлемі” атты шара өтті. Қорытынды кеште 300-ге жуық үйірмеге қатысатын оқушылар өнер көрсетті. Ұшқында өткен концерт туралы алдағы сюжетте.
Ең дәмді тағам – Сарыағашта
Ауданымызда жаңа қоғамдық тамақтану орны — “Make Plov” дәмханасы тұрғындарға есігін айқара ашты. Брендке айналған дәмханалар желісі қос аудан тоғысқан Дархан елді мекенінде ашылды. Бір мезетте 300 адамға қызмет жасауға мүмкіндігі бар тамақтану орны туралы келесі сюжетте.
Поэзиямен өрнектелген өмір
Келес ауданында Ұлы Отан соғысының ардагері, көрнекті ақын Тоқаш Бердияровтың туғанына 100 жыл толуына орай кең ауқымды мәдени-рухани іс-шара ұйымдастырылды. Тағылымды мерейтой ақынның ел тарихындағы және қазақ әдебиетіндегі айрықша орнын айшықтай түсті.
«Нұрлыжол» дәрігерлік амбулаториясы
Нұрлы жол елді мекенінде жаңа дәрігерлік амбулатория халық игілігіне берілді. Құркелес ауылдық округіне қарасты медициналық нысанның ашылу салтанатына арнайы облыс әкімі Нұралхан Көшеров қатысты. Халыққа медициналық көмек көрсету сапасы мен қолжетімділігін арттыру мақсатында ашылған медициналық мекеме туралы келесі сюжетте.