Студенттер күні
17 қараша – Халықаралық студенттер күні. Айтулы мереке жыл сайын кең көлемде тойланады. Әдеттегідей, өңір жастары бас қосқан салтанатты шара аудандық мәдениет үйінде өтті.
Қаржыгерлер мерекесі
Қаржыгер ханымдардың құшағы гүлге толды, есепшілерге құрмет көрсетілді. «15 қараша – Ұлттық валюта күні» және қаржы саласы қызметкерлерінің кәсіби мерекесі Сарыағаш аудан әкімдігінде атап өтілді. Қаржы қызметкерлерінің төл мерекесінде үздіктерге алғыс хаттар тапсырылды. Жиыннан арнайы сюжет назарларыңызда.
Өзекті мәселе
Сарыағаш ауданының әкімі Арман Абдуллаев ауданның тыныс-тіршілігіне қатысты өзекті мәселелерді талқылап, ашық пікір алмасу мақсатында жергілікті қоғам белсенділері және бақ өкілдерімен кездесті. Жиында өңірдің әлеуметтік дамуы шеңберінде түйткілді проблемалар ашық айтылды. Белсенділердің ұсыныс-тілектері назарға алынды.
Құркелестіктермен кездесу
Арман Абдуллаев тұрғындармен есептік кездесуі Құркелес ауылдық округінде жалғасын тапты. Аудан әкімі өткен жылы атқарылған жұмыстар мен алдағы кезеңге арналған жоспарлар туралы баяндама жасады. Жиыннан соң азаматтарды жеке мәселелері бойынша қабылдады.
Маңызды кездесулер
Келес ауданы Қаратөбе – Ғ. Мұратбаев бағытындағы жол жөнделеді. Ал Бірлесуде жол, жарық және ауыз су мәселелері шешімін тауып келеді. Жүзімдік ауылдық округінде мәдениет үйі мен емхана салынуда. Осы және өзге де тың ақпараттар Жәнібек Ағыбаевтың ауыл тұрғындарымен есептік кездесуінде айтылды.
15 ауыл ауыз сумен қамтылмақ
Жыл соңына дейін 15 елді мекен толықтай ауыз сумен қамтылмақ. Келес ауданы әкімінің орынбасары Мақсат Тұрдиев бақ өкілдерімен брифинг өткізді. Күн тәртібінде қаралған негізгі мәселе – халықты сапалы ауыз сумен қамтамасыз ету бойынша атқарылып жатқан жұмыстар. Шара барысында спикер журналистер тарапынан қойылған сұрақтарға жауап берді.
«Саламатты Қазақстан» пойызы Жылғада
“Саламатты Қазақстан” пойызы Жылға ауылдық округіне келді. Мамыр айында басталған медициналық саяхат желтоқсанның ортасында аяқталады. Шалғай елді мекендердегі тұрғындарға сапалы медициналық көрсетуді мақсат еткен жоба аясында 90 мың азаматқа тегін қызмет көрсету жоспарланған.
«Тазалыққа тұрғындар да жауапты»
Авторлар: Айгерім Айтбаева, Марат Жолдас
Келестіктер үшінші өнім алуда
Авторлар: Айгерім Айтбаева, Нұрдәулет Жолбарыс
Дамудың даңғыл жолындағы Бірлік
Бірлік ауылдық округінде әлеуметтік инфрақұрылым жақсарып, 3 мектеп, 4 балабақша, аурухана, ФАП, кітапхана, ауылдық клуб жұмыс істеп тұр. 7 елді мекеннен құралған округте бүгінде 5759 тұрғын мекен етеді. Ауыз су мәселесі кезең-кезеңімен шешімін табуда. Қосөткел, Жаңатіршілік, Үшағаш елді мекендерінде су жүйелері жаңартылып, жаңа ұңғымалар қазылып, сүзгіштер мен резервуарлар орнатылуда. Ауылдың тұрмыс-тіршілігі туралы алдағы сюжетте.