Әлем чемпионы атанды
Еркебұлан Ахат – самбо күресінен Әлем чемпионы атанды. Небәрі 19 жастағы спортшы 58 келі салмақ дәрежесінде күресіп, қарсыластарын тізе бүктірді. Көк байрағымызды көкте желбіреткен чемпионды облыстық Самбо федерациясының ұжымы мен сарыағаштықтар Түркістан әуежайынан күтіп алды. Айта өтейік, самбо сүресінен Кипрда өткен чемпионатқа қатысқан спортшылардың ішінде жалғыз алтынды Еркебұлан Ахат қанжығасына байлаған. Ал өзге қазақстандық спортшылар күміс пен қоланы місе тұтты.
Ошақтыда каналдар мен қашыртқылар тазаланды
Келес ауданының Ошақты ауылдық округіндегі егістік жерлерге ағын су Саңырау, Теріс, Тартулы, 8-Ұлан, Игілік каналдары арқылы жеткізіледі. Биыл Шенгелді каналының 3,2 шқ, Сарыжылға су қашыртқысының 2,5 шқ, механикалық әдіспен қазылды. Бүгінгі таңда 8-Ұлан каналы 18,0 шқ механикалық әдіспен қазу жұмыстары жүргізілуде. Бұл туралы Келес ауданының әкімі Жәнібек Ағыбаевтың Ошақты ауылдық округінің тұрғындарымен кездесуінде айтылды.
Дәстүрлі құндылықтар керуені
Келес ауданында “Дәстүрлі құндылықтар керуені” келді. Түркістан облысы бойынша жүріп жатқан көшпелі жиынның мақсаты – мемлекеттің зайырлы қағидаларын нығайту, деструктивті идеологияға иммунитет қалыптастыру. Рухани жобаға елімізге танымал теологтар мен облыстық дін мәселелерін зерттеру орталығының мамандары қатысты.
Талаптар қаншалықты сақталған?
Сарыағаш қаласы Самал мөлтекауданындағы қатты күл-қоқыс қалдықтары полигонына күнделікті тонналап қоқыс тасымалданады. Ондағы өрт қауіпсіздік талаптары қаншалықты сақталған? Неліктен Медициналық қалдықтар дәл сол полигонға тасылмалданып жатыр? Бірге білейік.
Нашақорлыққа жол жоқ!
Есірткінің, атап айтқанда синтетикалық есірткінің таралуы – болашақ ұрпақ үшін қауіп төндіретіні баршамызға мәлім. Жастардың санасын улап қана қоймай, өлімге душар қылатын ғасыр дертін мейлінше болдырмау және алдын алу мақсатында елімізде атқарылып жатқан шаралар көп. Бірін білсек, бірін білмей «ештене жасалмайдыға» саламыз кейде. Айтар болсақ, ауданымызда «Нашақорлыққа жол жоқ! Біз жарқын болашақты таңдаймыз» атты форум болып өтті.
Мұғалімдер күні мерекеленді
Сарыағаш аудандық мәдениет үйінде жылдағы үрдіс бойынша 5 қазан – Ұстаздар күні атап өтілді. Мерекелік кеште ауданның ұлағатты ұстаздары қызыл кілеммен жүріп өтіп, алтындай ардақты ұстаздарды қошеметпен қарсы алды. Мерекелік шараға Сарыағаш ауданының әкімі, білім бөлімінің әдіскерлері мен оқу жүйесінің ардагерлері, ұлағатты ұстаздар мен үміт артуға лайық жас педагогтар шақырылған.
Инклюзивті мектеп ашылды
Ауданда ерекше балалар үшін инклюзивті білім беретін «Аqildi bala» атты мектептің ашылу салтанаты болып өтті. Өзгеден ерек бүлдіршіндерді қоғамнан алыстатпай, бір толқында өсіру, білім беруді мақсат еткен орталық қазірше 100 баланы оқыту мүмкіндігіне ие. Соңғы үлгідегі құрал-жабдықтармен қамтылған
инклюзивті мектеп жайлы алдағы сюжетте.
Өткенге – құрмет, бүгінге – өнеге
Барлық адам ұстаздан білім алады. Мұғалім тәрбиесін көріп, білім ошағынан қанат қаққандар алтын ұя мектептерін еш уақытта ұмытпасы анық. Тегісшіл ауылында бақилық болған ардақты ұстаздарға арнап ас берілді. №34 Ш.Уәлиханов мектебінің 1964 жылы туған түлектері Құран оқытып, көпшілкке ақ дастархан жайды.
Сарыағаш ауданында 82 учаске жұмыс жасады
Бүгін елімізде республикалық референдум болып өтті. Қазақстанда атом электр станциясын салу жөніндегі жалпыхалықтық референдумда дауыс беру таңғы сағат 7:00-ден басталып, кешкі 20:00-ге дейін жалғасты. Тәуелсіздік алғалы 4-рет өткен референдум, бұл жолы саяси өзгерістерге алып келмесе де, елдің ертеңі үшін маңызды рөл ойнайтыны сөзсіз. Аудан басшысы Арман Абдуллаевпен қоса Сарыағаш жұртшылығы да референдумға жауапкершілікпен қарап, өз дауыстарын беруге асықты.
Ұлағатты ұстаздар ұлықталды
Келестіктер ұлағатты ұстаздар қауымына құрмет көрсетті. Мұғалімдер күні мерекесіне орай Келес аудандық мәдениет үйінде ауқымды іс – шара өтті. Салтанатты жиынға аудан әкімі Жәнібек Ағыбаев арнайы қатысып, ұстаздарды төл мерекелерімен құттықтады. Мерекелік шара соңы эстрада жұлдыздары қатысқан концерттік бағдарламаға жалғасты.