Еркебұлан Ахат – самбо күресінен Әлем чемпионы атанды. Небәрі 19 жастағы спортшы 58 келі салмақ дәрежесінде күресіп, қарсыластарын тізе бүктірді. Көк байрағымызды көкте желбіреткен чемпионды облыстық Самбо федерациясының ұжымы мен сарыағаштықтар Түркістан әуежайынан күтіп алды. Айта өтейік, самбо сүресінен Кипрда өткен чемпионатқа қатысқан спортшылардың ішінде жалғыз алтынды Еркебұлан Ахат қанжығасына байлаған. Ал өзге қазақстандық спортшылар күміс пен қоланы місе тұтты.

Авторлар: Айгерім Айтбаева, Марат Жолдас