Адам құқықтары мен бостандықтарын қамтамасыз ету құқықтық мемлекеттің басты қағидаттарының бірі. Сонымен бірге Конституция әркімнің заңдарды сақтауға және басқа адамдардың құқықтары мен қадір-қасиетін құрметтеуге міндетті екенін белгілейді.
Осы тұрғыдан алғанда, құқықтық мәдениет азаматтың өз құқықтарын білуімен ғана өлшенбейді. Ол заң талаптарын сақтау, қоғамдық нормаларды құрметтеу және өз әрекетінің айналадағы адамдарға ықпалын түсіну арқылы қалыптасады.
Бұл мәселе жастар үшін ерекше маңызды. Құқықтық сауатты жас өз құқықтарын қорғап қана қоймай, қоғамдық ортада жауапты мінез-құлық танытып, өзге адамдардың құқықтарына құрметпен қарайды.
Қоғамдағы ортақ тәртіп пен өзара сыйластық әр азаматтың қауіпсіздігі мен еркіндігін қамтамасыз етуге мүмкіндік береді.
Заңды сақтау – шектеу емес, баршаға ортақ қауіпсіз және болжамды ортаны қалыптастырудың негізі.
