4-6 маусым аралығында Өзбекстан Республикасының астанасы Ташкентте самбо күресінен Азия чемпионаты өтті. Балуандар белдесуінде Түркістан облысының спортшылары ел қоржынын 3 алтын, 1 күміс, 6 қола медальмен толықтырды. Финалда өзбекстандық балуанды бағындырып, алтыннан алқа таққан жерлесіміз Ұлбосын Адилованы аудан әкімінің орынбасары Нұрполат Талипов құттықтады. Одан соң жас чемпион мәслихат хатшысы Смайыл Тасқұловтың қабылдауында болды.

Авторлар: Айгерім Айтбаева, Ережеп Тұрғынбайұлы