Menu
Халық арасында бұқаралық спортты дамыту мақсатында облыс әкімі Өмірзақ Шөкеевтің тапсырмасына сәйкес, барлық аудандарда ұлттық мектеп лигасы өткізілуде. Аталмыш байрақты бәсеке біздің ауданда да өтті. Теңбіл доп шеберлерінің арасындағы дүбірлі додаға куә болып қайтқан әріптесім Әлия Мұхаммедшәмиқызы материалына назар аударсақ.
Адамзат баласының басты байлығы спорт екенін ескерсек, бұл салаға баса назар аударылуы керек. Мемлекетіміздің болашағы жастар. Сондықтан да келешегімізді ойласақ, дені сау ұрпақ тәрбиелеуіміз қажет. Осы мақсатта облыс әкімінің тапсырмасына сәйкес, Сарыағаш аудандық адами әлеуетті дамыту бөлімінің ұйымдастыруымен оқушылар арасында «Ұлттық мектеп лигасы» ұйымдастырылуда. Өңірімізде өткен дүбірлі доданың ашылу рәсімі салтанатты түрде өтті.
Қайрат Арап, Түркістан облысының адами әлеуетті дамыту басқармасының бас маманы
«Бүгінгі алаңда бақ сынасып жатқан спортшылар, ауылдық округтерде өткізілген жарыста жүзден жүйрік, мыңнан тұлпар шыққан теңбіл доп шеберлері. 6 топтан құралған қатысушылар ауданымыздағы білім ошақтарындағы оқушылар. Ал, ойын қорытындысында жеңіске жеткен команда облыс көлемінде өтетін жарыста аудан абыройын қорғайтын болады»,-дейді ұйымдастырушылар алқасы.
Бекжан Балабеков, Сарыағаш аудандық адами әлеуетті дамыту бөлімінің әдіскері
Сонымен волейбол, баскетбол, қол добы, кіші футболдан өткен жарыстың қорытындысында жеңіске жеткендерге арнайы кубоктар мен медальдар табысталды. Солардың арасынан облысқа жолдама алған спортшыларымызға сәттілік тілейміз!
Авторлар: Әлия Мұхаммедшәмиқызы, Дінислам Тәліпбай
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
