Menu
Өңірімізде үлгілі отбасылар өте көп. Елге өнеге көрсетіп жүрген сондай отбасылардың бірі – Келес ауданында 54 жыл бұрын отау құрып, отасып келе жатқан Оразбаевтар әулеті.
Келес ауданындағы Біртілек ауылдық округінде елге үлгілі отбасы – Оразбаевтар тұрады. Халық атамыз жарымен 54 жылдан бері отасып, бүгінге дейін 11 ұл-қыз, 38 немере, 5 шөбере тәрбиелеп отыр екен. Ұлын ұяға, қызын қияға қондырып, «Мен көрмеген қызықтарды бала-шағам көрсін деп ұл-қыздарымның он бірін де жоғары оқу орнында оқыттым»,-деген атамыз өзінің жас кезін де бір еске алды.
Халық Оразбаев, Келес ауданының тұрғыны
Халық Оразбаев 1941 жылы туылған. 1970 жылы Келес ауданында ГАИ қызметіне орналасып, 1992 жылы майор шенімен зейнетке шығады. «Міне, содан бері жұбайыммен бала-шағамыздың тәлім-тәрбиесімен айналысудамыз»,- дейді атамыз. Оразбаева Орал апамыз да 54 жыл бойы отасқан отағасымен бірге өткерген қызықтарының біразын айтып берді.
Орал Оразбаева, Келес ауданының тұрғыны.
Ел арасында осындай ұлын ұяға, қызын қияға қондырып, шаңырағын шаттыққа толтырып отырған үлгілі отбасылардың көп екендігі көңіл қуантады.
Авторлар: Хусниддин Хасанұлы, Айдос Дәулет
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
