«Қазақстан Темір Жолы» (ҚТЖ) жасырын тексеру барысында Алматы-1 теміржол вокзалында жолаушының билетсіз жүргенін анықтап, оқиғаны видеоға түсірді. Компания кезекті рет азаматтарды билетсіз тасымалдау және билеттерді заңсыз қайта сату деректері туралы хабарлауға шақырды. Бұл туралы satmedia.kz тілшісі Tengritravel.kz-ке сілтеме жасап хабарлайды.

Бұл жолы Алматы – Қостанай бағыты бойынша №43 жеке пойыздың жолсерігі жолаушыны қолма-қол ақшаға билетсіз тасымалдауға келіскен.

«Тергеу материалдары құқық қорғау органдарына беріледі. Ұқсас тексерулер елдегі барлық вокзалда жүргізіліп жатыр», – деп мәлімдеді ҚТЖ баспасөз қызметі.

№43 Алматы – Қостанай пойызы жеке тасымалдаушы «Түрксіб Астана» ЖШС-іне тиесілі екені белгілі. Жалпы, Қазақстанда теміржол жолаушылар тасымалында 14 жеке тасымалдаушы бар.

Дереккөз: Tengritravel.kz