Қазақстанның Албаниядағы Елшісі Искандер Айсариев Албанияның Инвестициялар және даму агенттігінің атқарушы директоры Лаура Саромен кездесті.

Кездесу барысында тараптар сауда-экономикалық және инвестициялық ынтымақтастықты дамыту перспективаларын талқылады. Әсіресе экономиканың әртүрлі салаларында бірлескен жобаларды іске асыруға ерекше назар аударылды.

Екі елдің іскер топтары арасындағы ынтымақтастықты дамытуға айрықша көңіл бөлінді. Осыған байланысты бизнес өкілдерінің өзара сапарларын ұйымдастыру жөнінде уағдаластыққа қол жеткізілді.

Дереккөз: ҚР СІМ баспасөз қызметі