«Заң мен Тәртіп» концепциясын жүзеге асыру аясында құқық бұзушылықтардың алдын алу, сотталғандар мен бас бостандығынан айыру орындарынан босатылған адамдарды әлеуметтендіруге және қайта интеграциялауға, сондай-ақ оларды жұмыспен қамту және құқық бұзушылықтардың алдын алу мақсатында облыс прокуратурасының Құқықтық мониторинг орталығында жұмыс кеңесі өтті.
Іс-шараға облыстың ЖАО, ҚАЖД, ПД, Кәсіпкерлер палатасы мен кәсіпкерлік субъектілерінің өкілдері қатысты.
Қатысушыларға жазасын өтеп жатқан және түзеу мекемелері жанындағы жеке кәсіпкерліктер мен жауапкершілігі шектеулі серіктестіктерде жұмыс істейтін сотталғандар өндіретін өнімнің үлгілері ұсынылды.
Сондай-ақ, «Еңбек Тараз» РМК-ның өндіріс көлемін кеңейту және сотталғандардың санын еңбек қызметіне тарту әлеуеті зерделенді.
Кеңеске қатысушылар сотталғандар мен бас бостандығынан айыру орындарынан босатылған адамдарды жұмыспен қамту оларды түзетудің негізгі факторларының бірі болып табылатынын атап өтті.
Бүгінгі таңда жазасын өтеп жатқан жұмысқа орналастырылған сотталғандардың саны 68,5% (65,4%) құрайды. Пробация қызметі бойынша есепке алынған адамдардың 74% (68,6%) жұмысқа орналастырылды.
Ағымдағы жылдың сәуір айында 150 сотталғанды жұмысқа тарта отырып, тігін және аяқ киім өндірісін ашу жоспарлануда.
Құқық бұзушылықтардың алдын алу, қоғамға қайта әлеуметтендіру жөніндегі шаралардың тиімділігін арттыру үшін «Қайталама құқық бұзушылықтардың алдын алу» жобасын іске асыру шеңберінде ынтымақтастық туралы Меморандумға қол қойылды.
Меморандумның мақсаттары мен міндеттері сотталғандарды түзету, қайта әлеуметтендіру, қайталама құқық бұзушылықтар санын азайту және өңірдегі криминогендік жағдайды жақсарту болып табылады.
Меморандумды іске асыру шеңберінде облыстың бизнес субъектілері («Қазфосфат», «ТМЗ»және т.б.) және облыстың коммуналдық кәсіпорындары («Тараз Су», «Жасыл Ел» МКК т.б.) үшін сотталғандардың еңбегін пайдалана отырып,өндірілген әртүрлі бұйымдарды (арнайы киім, форма, аяқ киім, қолғап, жилет, қапшықтар, ағаш паллеттер, күректер және т.б. өнімдер) дайындауға тапсырыстарды қалыптастыру жоспарлануда.
Дереккөз: ҚР СІМ баспасөз қызметі
