Қазақстанның Сан-Франциско қаласындағы Бас консулы Назира Нұрбаева Сан-Франциско қаласының Бас қалалық кітапханашысы Майкл Ламбертпен кездесіп, Қазақстан мен Құрама Штаттары арасындағы мәдени алмасу мен білім беру байланыстарын нығайту мәселелерін талқылады.

Кездесу барысында Н.Нұрбаева Сан-Франциско қаласының Орталық кітапханасына қазақ кітаптарының топтамасын сыйға тартып, еліміздің бай әдеби және мәдени мұрасын атап өтті.

Сыйға тартылған кітаптар арасында Қазақстан тарихы туралы еңбектер, қазақтың ұлы ақыны Абайдың өлеңдер жинағы, сондай-ақ оқырмандарға еліміздің көркемдік және зияткерлік мұрасымен танысуға мүмкіндік беретін қазақ музыкасына арналған шығармалар бар.

ҚР Бас консулы халықтар арасындағы өзара түсіністікті нығайтуда мәдени дипломатияның маңыздылығын ерекше атап өтті.

Дереккөз: ҚР СІМ баспасөз қызметі