Денсаулықтың негізгі күші – рухани және әлеуметтік жағдайдың жақсы болуымен байланысты. Оған қоса ғалымдар дұрыс тамақтануды да денсаулықтың кепілі ретінде таниды. Әсіресе, мектеп оқушыларының дұрыс әрі уақытылы тамақтануы аса маңызды. Аталған мәселе елімізде қызу талқыға түскені де рас. Қазіргі таңда барлық білім ордасында асханалар желісі жұмыс істеп тұр. Олар оқушыларды ыстық тамақпен қамтып ғана қоймай, құнарлы, дәруменге толы аспен ауқаттануына баса мән беріп отыр. Осы ретте, балаларға ұсынылатын ас мәзірінің құнарлылығы мен құрамы қандай? Айталық, Құркелес ауылдық округіндегі №27 Шәкәрім атындағы ж.о.б.б. мектебіндегі ыстық тамақ ұсынудың өзіндік ереже – тәртібімен арна тілшісі танысып қайтты.
Авторлар: Майра Нұрмахан, Аман Асылбек
