Menu
Келес аудандық полиция бөлімі биылғы карантиндік шараларды ескере отырып, мерекелік кештің орнына қайырымды іс жасауды қолға алып отыр. Олар жаңа жыл қарсаңында тұрмысы төмен және көпбалалы отбасыларға құны 500 мың теңгені құрайтын азық-түлік жиынтықтарын үлестірді.
Биылғы жаңажылдық кеш бұрынғылардан өзгерек болғалы отыр. Яғни, халық көп шоғырланып, мейрамды кең көлемде дос-жаран, ұжымдастармен бірге атап өтуге рұқсат жоқ. Мерекелік іс-шара өткізбейтін болғандықтан, Келес аудандық полиция бөлімі 2021 жылға орай, тұрмысы төмен және көпбалалы 21 отбасыға күнделікті тұрмысқа қажетті азық-түлік жиынтықтарын таратты.
Болат Қаныбеков, Келес аудандық полиция бөлімінің бастығы
Көмек қажет ететін отбасылардың тізімін берген аудандық жұмыспен қамту және әлеуметтік бағдарламалар бөлімі бұл бастаманың көпке үлгі екендігін айтып, тізім жазу барысында аудандағы барлық округті қамтуға тырысқанын жеткізді.
Гүлнұр Құралова, Келес аудандық жұмыспен қамту және әлеуметтік бағдарламалар бөлімінің басшысы
Таратылған азық-түлік жиынтықтарының әрқайсысының құны 25 мың теңгені құрайды. Ішіне күнделікті қажетті ұн, майдан бастап, балаларға арналған тәтті сыйлықтарға дейін салынған. Тосыннан сыйлық алған аудан азаматтары полиция қызметкерлеріне ризашылығын білдіріп, бата берді.
Дәрібай Сарман, Абай ауылының тұрғыны
Мақсұт Жақсылықов, Абай ауылының тұрғыны
Сондай-ақ, аудандық полиция бөлімінің бастығы мұндай іс-шаралардың алдағы уақытта жалғасын табатынын айтты.
Авторлар: Балнұр Зұпарбекқызы, Айдос Дәулет
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
