Menu
Келес аудандық жер қатынастары мен жер кадастры және жылжымайтын мүлік бөлімдерінің жыл басынан бері атқарған жұмыстары қандай? Сарыағаш ауданынан бөліне сала, 2018 жылы берілген тапсырмалар қаншалықты орындалды? Тілшіміз Хусниддин Хасанұлы айтып береді.
Қазіргі таңда «Уческелік жерлерге құжаттарды жинау және оларды алу нағыз азап» деген сөз халықтың арасында кеңінен тараған. Әрине, оның өзіне жараса заңдылықтары, одан қала берсе, қағазбастылық деген тағы бар. Ал, кейбір азаматтардың ондай құжаттарды жинауға сауаты жете бермейді. Осыған байланысты Келес ауданының әкімі Ақментай Есбаев бөлім басшыларына тапсырма берді.
Ақментай Есбаев, Келес ауданының әкімі.
Сондай-ақ, Келес аудандық жер қатынастары, жер кадастры бөлімдерінің басшылары аудан әкіміне жыл басынан бері атқарған жұмыстары жайлы есеп берді.
Али Аппазов, Келес аудандық жер кадастры бөлімінің басшысы
Тыңдап отырсақ, бәрі жақсы. Жұмыстар жүйелі түрде жүргізілген. Алайда, олардың жұмысына аудан әкімінің көңілі толмаған сыңайлы. Себебі, ауылдық округ әкімдері бөлім басшыларына сұрақтар қойып, өздерінің ауылында жер мәселесі бойынша туындаған проблемаларға жауап сұрады. Атап айтқанда, пайдаланылмай, бос жатқан жерлерді елді мекен шегіне кіргізу, Кеңес үкіметі кезінде салынған үйлердің құжаттарын дұрыстау және кезекте тұрған азаматтарға учаскелік жер беру мәселелері.
Бауыржан Бейсеқұл, Келес аудандық жер қатынастары бөлімнің басшысы
Сөз соңында, Ақментай Есбаев «Аудан халқының өмір сүру сапасы көтерілуі керек, біз айлық жалақы үшін емес, тұрғындар жай-күйінің жақсаруы үшін жұмыс жасауымыз қажет»,-деді.
Авторлар: Хусниддин Хасанұлы, Айдос Дәулет
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
