Астана әуежайынан өрт шықты

Фото: Ашық ақпарат көздерінен

Астана әуежайынан өрт шығып, адамдар эвакуацияланды, – деп хабарлайды ҚР Төтенше жағдайлар министрлігінің баспасөз қызметі. Бұл туралы satmedia.kz тілшісі kaz.inform.kz-ке сілтеме жасап баяндайды.

Баспасөз қызметінің мәліметтеріне қарағанда, 112-ге Астана қаласының халықаралық әуежайындағы терминалдың электр қалқан бөлмесінде өрт шыққаны туралы хабарлама түсті. Сыртқы белгілері бойынша – №1 және №2 терминалдар арасындағы галереядан қою түтін шыққан, адамдар эвакуацияланды.

Сағат 08-24-те өрт сөндірілді. №2 серверлік терминалда 10-15 шаршы метр электр кабельдері жанған.  

Қаза болғандар мен зардап шеккендер жоқ. Оқиға орнына Астана қаласы ТЖД жеке құрамының 76 адамы және 18 техникасы жұмылдырылды.

Дереккөз: kaz.inform.kz

Достармен бөлісу
Share on facebook
Share on twitter
Share on vk
Share on odnoklassniki
Share on telegram
Share on whatsapp

Танымал жаңалықтар