Menu
Ошақты ауылдық округіне қарасты, Үшағаш елді мекенінің тұрғындары ауыл азаматы, ел ағасы – Пайазхан Естемесовке алғыс айтуда. Жергілікті жандардың айтуынша, Пайазхан Сейдуалыұлы, нағыз халыққа жанашыр жан. Тілшіміз Үшағашқа арнайы барып қайтқан болатын.
Үшағаш елді мекенінің тұрғыны – Пайазхан Естемесовтың еңбегін, елжандылығын көпшілік айтуда. Себебі, Пайазхан Сейдуалыұлы үнемі халыққа қажетті, ілкімді, игі істердің басы-қасында. Атап айтсақ, ел ағасы өз қаражаты есебінен ауылдың кіреберісіне қақпа салдырып, елді мекеннің атауын жаздырған. Сонымен қоса, күре жолдың бойында жатқан үшағаштықтарға керекті 2 аялдама салдырып, жалпақ жұрттың ризашылығына бөленген. Мұны бізге Үшағаш ауылының тұрғындары айтып берді.
Сәулебай Сәмбетов, Үшағаш ауылының тұрғыны
Қуандық Халықбердиев, Үшағаш ауылының тұрғыны
Сондай-ақ, тұрғындар ауылдағы мешітке және тұрмысы төмен жандарға Пайазхан Естемесовтың көмектесіп тұратынын айтуда. Осылайша, Үшағаш ауылы күннен күнге көркейіп келеді. Ал, енді, көптеген жұмыстарға бастамашы болып жүрген Пайазхан Естемесовтың тыныс-тіршілігінен аз ғана айтсақ, кәсіпкер ірі қара бордақылауды қолға алған. Қазіргі таңда 20 бастан аса бұқашаларды бағуда екен. Бір сөзбен айтқанда, істің көзін тапқан.
Пайазхан Естемесов, кәсіпкер
Кәсіпкер Пайазхан Сейдуалыұлы тек қана ірі қара емес, ұсақ мал басын, қошқарларды бордақылауды жолға қойған. «Бұл тірлікпен біраз жылдан бері айналысып келеміз», -дейді шаруа.
Пайазхан Естемесов, кәсіпкер
Сөзді қорытсақ, еңбек етіп, береке тапқан азамат Пайазхан Естемесов, келелі істердің қатарын көбейтіп, халыққа да көл-көсір пайдасын тигізіп келеді.
Авторлар: Қуаныш Құлмырзаев, Рахманбек Құралов
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
