Мемлекеттік қызмет істері азаматтардың құқықтары мен заңды мүдделерін қорғауға баса назар аударады. Бұл бағытта Агенттіктің Түркістан облысы бойынша департаментінің негізгі міндеттерінің
бірі – мемлекеттік қызметтер көрсету сапасын арттыру, әкімшілік кедергілерді жою және азаматтардың мемлекеттік органдарға деген сенімін нығайту болып табылады.

Қойылған міндеттерді іске асыру аясында Департамент тарапынан жүйелі түрде бақылау және түсіндіру іс-шаралары жүргізіледі.
Дегенмен, мемлекеттік органдар тарапынан азаматтарға қызмет көрсету кезінде заң бұзушылықтарға жол берілетін жекелеген жағдайлар кездеседі.

Мәселен, ағымдағы жылдың қараша айында Департаментке
Сарыағаш қаласының тұрғынының «Жұмыссыздарды тіркеу» мемлекеттік қызметін алуға қатысты арызы келіп түскен.
Аталған мемлекеттік қызметтің тәртібі «Жұмыс іздеп жүрген адамдарды, жұмыссыздарды тіркеу және мансап орталықтары көрсететін еңбек делдалдығын жүзеге асыру» қағидасымен реттеледі (ҚР ЕЖХӘҚМ 09.06.2023ж. № 214 бұйрық, бұдан әрі – Қағида).

Анықталғандай қызмет алушы «enbek.kz» порталы арқылы жұмыссыз ретінде тіркелу үшін аудандық мансап орталығына өтінім жолданған.
Қағиданың 38-тармағына сәйкес, Мансап орталығы осы Қағидалардың 23-тармағында көрсетілген кезең өткеннен кейін жұмыс іздеп жүрген адам үшін лайықты жұмыс таба алмаса немесе жұмыс іздеп жүрген адам ұсынылған жұмыстан бас тартса, онда «Еңбек нарығы» ААЖ-да жұмыс іздеп жүрген адам автоматты түрде жұмыссыз ретінде тіркеледі.

Осыған орай, қызмет алушы жұмыссыз ретінде тіркелген.
Бұл ретте, Қағиданың 58-тармағына сәйкес, жұмыссызды есептен шығару осы Қағидалардың 51-тармағына сәйкес жүзеге асырылады.
Сонымен қатар, Қағиданың 52-тармағына сәйкес, Мансап орталығы жұмыссыз есептен шығарылған күннен бастап екі жұмыс күні ішінде оны бұл туралы ақпараттық-коммуникациялық технологиялар және (немесе) ұялы байланыс абоненттік құрылғысы арқылы, ал ауылдық жердің тұрғындарын кент, ауыл және ауылдық округтің әкімі арқылы хабардар етеді.

Дегенмен, Департаментпен құжаттарды зерделеу нәтижесінде
Мансап орталығы қызмет алушыны Қағидада белгіленбеген негіздермен есептен шығарғаны анықталды.
Осыған орай, Мансап орталығының бас маманы «ескерту» түріндегі тәртіптік жазаға тартылды.

Айта кету қажет, мемлекеттік қызмет көрсету кезінде құқықтарыңыз бұзылған жағдайда Мемлекеттік қызмет істері агенттігінің Түркістан облысы бойынша департаментіне Жаңа қала ықшам ауданы 32 көше, 16 ғимарат мекен-жайы бойынша жазбаша түрде, не электрондық түрде «электрондық үкімет» порталы немесе «Е-Otinish» азаматтардың барлық өтініштерін қабылдау мен өңдеудің бірыңғай платформасы және «Kenes 1414 officiall» тelegram-бот арқылы жүгіне аласыздар.
Мемлекеттік қызмет көрсету сапасы мәселелері Департаменттің тұрақты бқылауында.

Қазақстан Республикасының Мемлекеттік қызмет істері агенттігінің Түркістан облысы бойынша департаментінің басшысы, Әдеп жөніндегі кеңес төрағасы Абылайхан Дағыстанұлы Наурызбаев

Сообщение Қызмет алушының құқықтары қалпына келтірілді появились сначала на SATMEDIA.KZ.

Мемлекеттік көрсетілетін қызметтер туралы» Заңына сәйкес, Қазақстан Республикасының Мемлекеттік қызмет істері агенттігі және оның аумақтық департаменттері мемлекеттік қызметтер көрсету сапасын бағалау және бақылау жөніндегі уәкілетті орган болып табылады.

Ағымдағы жылы Қазақстан Республикасының Мемлекеттік қызмет істері агенттігінің Түркістан облысы бойынша департаментіне мемлекеттік көрсетілетін қызметтердің сапасына қатысты қызмет алушылардан 250-ге жуық өтініш келіп түскен.

Олардың басым көпшілігі жер қатынастары, тұрғын үй және әлеуметтік салаларға қатысты түскен болатын.
Кез келген шағымды Департамент қызметкерлері толық зерделеп, қызмет алушылардың бұзылған құқықтарын қалпына келтіру үшін заңмен көзделген бақылау шараларын жүргізеді.

Мәселен, Департаментке Түркістан қаласының тұрғынының «Дәрігерді үйге шақырту» мемлекеттік қызметін ұсынбауға қатысты арызы келіп түскен.

Аталған мемлекеттік көрсетілетін қызметтің тәртібі Қазақстан Республикасы Денсаулық сақтау министрінің 2021 жылғы
24 тамыздағы № ҚР ДСМ-90 бұйрығымен бекітілген Медициналық –санитариялық алғашқы көмек көрсету қағидаларымен реттеледі.
Шағымды қарау барысында, қызмет алушының дәрігерді үйге шақырту туралы өтініштеріне медициналық көмек көрсетуге дәрігердің келмегені анықталды.
Осыған байланысты, Департаменттің ұсынуына сәйкес, бұзушылыққа жол берген аймақ дәрігері мен жұмыскеріне «ескерту» түріндегі тәртіптік жаза қолданылды.
Сонымен қатар, Депаратменттің ықпалымен қызмет алушыға медициналық көмек көрсетілді.

Естеріңізге сала кетейік, Сізге мемлекеттік қызмет көрсетуден негізсіз бас тартқан және заңды құқықтарыңыз бұзылған жағдайда, Сіз Мемлекеттік қызмет істері агенттігінің Түркістан облысы бойынша департаментіне Түркістан қаласы, Жаңа қала ықщам ауданы 32 көше 16 ғимарат мекен-жайы бойынша немесе 8 (725 33) 5-94-72 нөмірі бойынша, сондай-ақ «Sapaly qyzmet» телеграмм боты арқылы хабарлама қалдыруыңызға болады.

Қазақстан Республикасының Мемлекеттік қызмет істері агенттігінің Түркістан облысы бойынша департаментінің басшысы, Әдеп жөніндегі кеңес төрағасы Наурызбаев Абылайхан Дағыстанұлы

Сообщение МЕМЛЕКЕТТІК ҚЫЗМЕТ КӨРСЕТУ САПАСЫ – БАСТЫ НАЗАРДА появились сначала на SATMEDIA.KZ.

Еуропадағы қауіпсіздік және ынтымақтастық ұйымы Сыртқы істер министрлері кеңесінің 32-ші отырысы аясында Қазақстан Республикасының Сыртқы істер министрі Ермек Көшербаев ЕҚЫҰ негізгі институттарының басшыларымен бірқатар екіжақты кездесулер өткізді.

Қазақстан СІМ басшысы ЕҚЫҰ Бас хатшысы Феридун Синирлиоглумен, Демократиялық институттар және адам құқықтары жөніндегі бюроның (ДИАҚБ) директоры Мария Телалианмен, ЕҚЫҰ БАҚ бостандығы мәселелері жөніндегі өкілі Ян Братумен, сондай-ақ Аз ұлттар істері жөніндегі жоғарғы комиссары Кристофор Камппен кездесті.

ЕҚЫҰ Бас хатшысымен келіссөздер барысында Е.Көшербаев Қазақстанның Ұйыммен ынтымақтастығының стратегиялық сипатын атап өтіп, ЕҚЫҰ шеңберінде жан-жақты ынтымақтастықты дамыту Қазақстанның сыртқы саясаты басымдықтарының бірі екенін айтты.

Тараптар ЕҚЫҰ-ның саяси-әскери, экономика-экологиялық және гуманитарлық өлшемдері шеңберінде өңірлік қауіпсіздікті нығайту, практикалық өзара іс-қимылды кеңейту және бастамаларды бірлесіп жүзеге асыру мәселелерін талқылады.

Дереккөз: ҚР СІМ баспасөз қызметі

Сообщение Қазақстан Сыртқы істер министрі ЕҚЫҰ басшылығымен кездесулер өткізді появились сначала на SATMEDIA.KZ.

Шағын және орта бизнес субъектілері арасында «Парыз» сыйлығы Солтүстік Қазақстан облысының «Ақ-Ниет-Агро» жауапкершілігі шектеулі серіктестігіне табысталды. Ал ірі бизнес өкілдері ішінен Ұлытау облысындағы «Қазақмыс» корпорациясы лайық деп танылды.

«Алтын сапа» сыйлығына «Үздік индустриалдық жоба» аталымы бойынша «Karlskrona LC AB»(Шымкент қаласы), «Үздік инновациялық жоба» аталымы бойынша «AG TECH»(Астана қаласы) компаниялары ие болды.

Дереккөз: t.me/aqorda_resmi

Сообщение Президент «Алтын сапа» және «Парыз» байқауларының лауреаттарын марапаттады появились сначала на SATMEDIA.KZ.

«Біз бәріміз халықаралық аренада болып жатқан үдерістердің куәсіміз. Геоэкономикалық тұрақсыздық пен болжап болмайтын жағдайлар кезінде бизнес өкілдеріне тән жасампаздық пен отаншылдық қасиеттер айқын көрінеді. Осындай кезеңде кәсіпкерлеріміздің қажырлы еңбегі мен еліміздің болашағына деген зор сенімі, сөзсіз, ерекше маңызды.

Ақыр соңында, сапалы өнім өндіру, жоғары деңгейдегі қызмет көрсету – бәсекеге қабілеттіліктің көрсеткіші ғана емес, ең бастысы, Қазақстанның гүлденуіне қосылған нақты үлес.

Ел Президенті ретінде мен кәсіпкерлік қауымға, ұлттық буржуазиямызға, соның ішінде, тіпті алдымен осы залда отырған бизнес өкілдеріне шын жүректен құрметпен қараймын.

Мен сіздердің қабілеттеріңізге, іскерлік және адами қасиеттеріңізге сенемін. Сіздер – еліміздің экономикалық әлеуетін арттыру жолында аянбай еңбек етіп жүрген, нағыз Қазақстан патриоттарысыздар.

Сіздер – нәтижеге және табысқа бағытталған адамдарсыздар, сондықтан өздеріңіз де айналаңызға оң энергия бересіздер. Сенімдімін, сәттілік әрқашан сіздердің жағыңызда болады.

Ежелгі заманнан белгілі: жетістік әрекетсіз, ынта-жігерсіз, қызғаншақ, әр мәселеге пессимистік көзбен қарайтын адамдардан алыс жүреді. Мұны әсіресе интернетке сағаттап шомып отыратын жастар жақсы біліп, есте сақтауы тиіс.

Шығыс даналығында айтылғандай, «ең қолайсыз жағдайдың өзінен үлкен мүмкіндік табылады». Сондықтан торығуға, күйзеліске салынуға болмайды. Керісінше, жаңа мүмкіндіктерді іздеп, жаңа биіктерді бағындыру қажет».

Креативті индустрия секілді жаңа секторларды дамыту арқылы экономиканың көкжиегі кеңейеді. Халықаралық қаржы институттарының есебіне сәйкес, аталған сегмент әлем бойынша жыл сайын 2 триллион доллардан аса табыс әкеле алады, сондай-ақ 50 миллионнан астам жұмыс орнын ашуға қауқарлы.

Бірқатар дамыған елде, мәселен, АҚШ-та, Ұлыбританияда, Корея Республикасында креативті индустрия ішкі жалпы өнімнің 2-ден 7 пайызға дейінгі көлемін қалыптастырады. Сарапшылардың бағалауынша, креативті индустрияға салынған әр доллар қосылған құнның 2,5 долларын құрайды.

Қазақстанда креативті индустрияны өркендетуге айтарлықтай әлеует бар. Біздің жастарымыз өте шығармашыл, олардың мінезі де, менталитеті де соған сай келеді. Алайда еліміздің ішкі жалпы өніміндегі бұл сектордың үлесі 1 пайыз ғана».

Дереккөз: t.me/aqorda_resmi

Сообщение Мемлекет басшысы: «Елімізде табысты бизнеспен айналысуға қолайлы жағдай жасалған» появились сначала на SATMEDIA.KZ.

Авторлар: Қуаныш Амангелді, Марат Жолдас

Сообщение Тұрғындар үшін тиімді появились сначала на SATMEDIA.KZ.

Спорттық іс-шаралар арқылы салауатты өмір салты кеңінен насихатталып, қоғамда белсенді әрі дені сау буын қалыптасуына мүмкіндік туады. Осы ретте, Келес ауданында «Арақсыз ауыл – салауатты болашаққа бағыт»  ұранымен кіші футболдан жарыс болып өтті. Бұл шара ауыл тұрғындарының арасында зиянды әдеттердің алдын алып, денсаулықты нығайтуға бағытталған бастаманы қолдаудың тиімді жолы болып табылады.

Авторлар: Майра Сәдуақасқызы, Нұрболат Еркін

Сообщение Арақсыз ауылда спорттық бастама появились сначала на SATMEDIA.KZ.

Келес ауданында полиция бөлімінің ұйымдастыруымен «Қауіпті жүргізуші» атты арнайы рейдтік шара өтіп жатыр. Шараның негізгі мақсаты – жолда тәртіп бұзып, өзге жүргізушілер мен жаяу жүргіншілерге қауіп төндіретін көлік иелерін анықтап, оларға заң аясында шара қолдану. Полиция қызметкерлері жол қозғалысының қауіпсіздігін қамтамасыз ету үшін ауданда тәулік бойы бақылауды күшейткен.

Авторлар: Мейірхан Бақытжанұлы, Ережеп Тұрғынбайұлы

Сообщение «Қауіпті жүргізуші» появились сначала на SATMEDIA.KZ.

Сарыағаш аудандық мәдениет үйінде сатирик, “Қазақстанның еңбек сіңірген қайраткері” Көпен Әмірбектің 75 жылдық мерейтойына орай, “Ешкі ауылдың ертеңі” атты комедия сахналанды. Айта кетейік, осы қойылыммен Халықтық драма ұжымы жуырда ғана Отырар ауданында өткен облыстық “Театр — өмір айнасы” байқауында “Үздік актёрлық ансамбль” номинациясын жеңіп алған болатын. Бүгінгі өткен кеш барысын тілші жалғайды.

Авторлар: Әсел Әбдібек, Ережеп Тұрғынбайұлы

Сообщение «Ешкі ауылдың ертеңі» сахналанды появились сначала на SATMEDIA.KZ.

2025 жылғы 27 қараша мен 1 желтоқсан аралығында Ханойда 4-ші Азия-Еуропа халықаралық жаңа музыка фестивалі өткізілді. Іс-шараны екі құрлықтың өкілдерінен тұратын ұйымдастыру комитеті, Вьетнам композиторлары одағы, жергілікті мемлекеттік органдар мен Ханой қалалық әкімшілігі бірлесе ұйымдастырды.

Фестивальда Қазақстанның еңбек сіңірген өнер қайраткері және танымал композитор Төлеген Мұхамеджанов өзінің музыкалық туындысы – «Астана» симфониясын ұсынды. Гала-концерт Вьетнамның Ұлттық музыка академиясында өтті. Вьетнамдық қауым оны ерекше ынтамен және терең ризашылықпен қабылдады, сондай-ақ симфонияға халықаралық композиторлар ең жоғары бағаларын беріп, оң пікірлерін білдірді.

Халықаралық фестивальге Австралия, Бельгия, Вьетнам, Германия, Дания, Жапония, Испания, Қазақстан, Қырғызстан, Қытай, Лаос, Ресей және Швейцариядан 30-дан астам композиторлар мен әртістер қатысты.

Фестиваль аясында композитор Төлеген Мұхамеджанов пен Қазақстанның Вьетнамдағы Елшісі Қанат Тумыш Вьетнамның Мәдениет, өнер және спорт министрінің орынбасары Хоанг Дао Кыонгпен, Вьетнам әдеби және өнер қоғамдары одағының төрағасы До Хонг Куанмен, Вьетнам өнер қауымдастығының президенті Лыонг Суан Доанмен және Вьетнам Ұлттық музыка академиясының басшылығымен кездесті.

Фестиваль қатысушылары Фу То және Хоа Бинь провинцияларына барды. Бұл ірі өңіраралық іс-шара Вьетнам үшін кәсіби музыка саласындағы маңызды оқиғаға айналды.

Фестиваль Азия мен Еуропа арасындағы мәдени көпір қызметін атқарып, классикалық музыкадағы жаңа үрдістерге қызығушылық танытқан вьетнамдық және халықаралық аудиторияны біріктірді.

Фестивальде ұсынылған «Астана» симфониясы Вьетнамда Қазақстанның Мемлекеттік егемендігінің 35 жылдығын және алдағы Тәуелсіздік күнін атап өту аясында маңызды іс-шара болды.

Дереккөз: ҚР СІМ баспасөз қызметі

Сообщение Вьетнамда «Астана» симфониясы көрсетілді появились сначала на SATMEDIA.KZ.