Қазақстан Республикасының Президенті Қасым-Жомарт Тоқаевтың Қырғыз Республикасына ресми сапары қарсаңында Ош қаласында Қазақстан Бас консулдығының ашылу рәсімі өтті.

Іс-шараға Қазақстан Сыртқы істер министрінің орынбасары Ермұхамбет Қоныспаев, Қырғызстан Сыртқы істер министрінің бірінші орынбасары Асеин Исаев, Қырғызстан Президентінің Ош облысындағы Өкілетті өкілі Эльчибек Джантаев, Ош қаласының мэрі Женишбек Токторбаев, сондай-ақ қырғыз қоғамының және іскер топтарының өкілдері қатысты.

Іс-шараға қатысушыларға арнаған сөзінде Е.Қоныспаев аталған өңірде ҚР Бас консулдығының ашылуы екі ел арасындағы тату көршілік пен бауырластық қатынастардың берік әрі мызғымас сипатын айқындайтын ерекше маңызды оқиға екенін атап өтті.

«Қазақстан мен Қырғызстан – көршілер ғана емес, ортақ құндылықтар мен Орталық Азиядағы бейбітшілік, тұрақтылық пен өркендеуге ұмтылыс біріктірген ең жақын серіктестер және одақтастар. Бүгінде қазақ-қырғыз ынтымақтастығы жан-жақты өзара іс-қимылдың жоғары қарқынымен сипатталады. Мемлекет басшыларымыздың саяси ерік-жігерінің және жоғары әрі биік деңгейдегі тұрақты байланыстардың арқасында екі ел арасында мемлекетаралық өзара іс-қимылдың үлгілі моделі қалыптасты», – деді Министрдің орынбасары.

Осыған орай Е.Қоныспаев Ош қаласында ҚР Бас консулдығының ашылуы елдер мен халықтар арасындағы бауырластық қатынастарды одан әрі нығайтуға тың серпін беретін тағы бір маңызды қадам болатынына сенім білдірді.

Өз кезегінде А.Исаев Қазақстанның Ош қаласында Бас консулдығының ашылуы – екі бауырлас ел арасындағы одақтастық қатынастардың тереңдей түскенін көрсететін маңызды дәлел екенін және бұл қадам екіжақты жан-жақты ынтымақтастықты одан әрі нығайтып, кеңейтуге жаңа серпін беретінін атап өтті.

Ош қаласының мэрі Ж.Токторбаев өз сөзінде ұлы қазақ ақыны әрі ойшылы Абай Құнанбайұлының 180 жылдық мерейтойына орай қаладағы көшелердің біріне оның есімі берілетінін жеткізді.

Қазақстан Бас консулдығының консулдық округіне Ош, Жалал-Абад және Баткен облыстары кіреді. Аталған өңірлерде шамамен 3 мыңға жуық Қазақстан азаматы тұрады.

500 мыңға жуық халқы бар Ош қаласы – Қырғызстанның оңтүстік өңірінде әкімшілік, экономикалық және мәдени орталық ретінде маңызды рөл атқаратын елдің екінші ірі қаласы.

Дереккөз: ҚР СІМ баспасөз қызметі

Сообщение Ош қаласында Қазақстанның Бас консулдығы ресми түрде ашылды появились сначала на SATMEDIA.KZ.

Қазақстанның Словакиядағы Елшісі Жанна Сағынова Еуропадағы Діни бостандықтар форумының (FOREF) президенті, Еуропалық одақтың ЕО аумағынан тыс жерлерде дін және наным бостандығын ілгерілету жөніндегі бұрынғы арнайы өкілі Ян Фигельмен кездесті.

Тараптар Қазақстанның мультимәдениеттілікті дамыту, қоғамдық келісім мен конфессияаралық диалогты нығайтуға бағытталған саясатын талқылады.

Сұхбат барысында Я. Фигельге 2025 жылғы қыркүйекте Астанада өтетін «Діндер диалогы: болашақ жолындағы синергия» атты Әлемдік және дәстүрлі діндер лидерлерінің VIII съезіне ресми шақыру табысталды.

«FOREF» президенті шақыруды ризашылықпен қабыл алып, Қазақстанның рухани дипломатияны ілгерілету жөніндегі бастамасының өзектілігін атап өтіп, оны қазіргі сын-қатерлер жағдайында халықтар арасындағы бейбітшілік пен келісімді нығайтудың тиімді құралы ретінде бағалады.

Дереккөз: ҚР СІМ баспасөз қызметі

Сообщение Словакияда Қазақстанның дінаралық диалог саласындағы бастамалары талқыланды появились сначала на SATMEDIA.KZ.

Қазақстан Республикасының Біріккен Араб Әмірліктеріндегі Елшісі Рауан Жұмабектің БАӘ Инвестициялар жөніндегі вице-министрі Мохаммед Әл-Хауимен кездесуі өтті. Келіссөздердің негізгі тақырыбы екіжақты инвестициялық ынтымақтастықты одан әрі тереңдетудің практикалық қадамдары болды.

Тараптар биылғы қаңтарда ҚР Президенті Қасым-Жомарт Тоқаевтың Абу-Дабиге сапары және Абу-Дабидің Тақ мұрагері шейх Халед бен Мұхаммад бен Заид Әл Наһаянның Астанаға ресми сапары барысында жоғары деңгейде қол жеткізілген нақты инвестициялық жобалардың іске асырылу барысына ерекше назар аударды. Екі елдің экономикасы үшін стратегиялық маңызы бар барлық қол жеткізілген уағдаластықтарды уақтылы және толық орындауға өзара ниеттілік расталды.

Кездесу барысында қазіргі заманғы жаһандық трендтер аясында инвестиция тарту мәселелері бойынша жан-жақты пікір алмасу болды. Тараптар жасанды интеллект (ЖИ), ақпараттық-коммуникациялық технологиялар (АКТ) сияқты секторлардың, сондай-ақ заманауи сауда инфрақұрылымы мен логистиканы дамытудың маңыздылығы артып келе жатқанын атап өтті.

Осы перспективалы салаларда жұмыс істейтін инвесторлар үшін қолайлы жағдайлар жасау бойынша бірлескен жұмысты жалғастыру қажеттілігі жеткізілді.

Сонымен қатар тараптар Қазақстан аумағында да, БАӘ-де де іске асырылып жатқан инвестициялық жобаларды одан әрі қолдау мәселелерін талқылап, өзара тиімді қарым-қатынастарды одан әрі кеңейтудің ықтимал жолдары мен бағыттарын белгіледі.

Дереккөз: ҚР СІМ баспасөз қызметі

Сообщение Қазақстан мен БАӘ инвестициялық ынтымақтастық мәселелерін талқылады появились сначала на SATMEDIA.KZ.

Қазақстан Республикасы Сыртқы істер министрінің орынбасары Арман Исетов Қазақстандағы Апостолдық нунций Джордж Панамтундилмен кездесу өткізді.

Сұхбаттастар Қазақстан мен Ватикан арасындағы қарым-қатынастардың конструктивті сипатын және екіжақты диалогтың кең ауқымын растады.

2025 жылғы 17-18 қырқүйек аралығында Астанада өтетін Әлемдік және дәстүрлі діндер лидерлерінің VIII съезіне дайындық мәселелеріне ерекше назар аударылды. Қазақ тарапы Қасиетті Тақтың Съез жұмысына тұрақты әрі белсенді қатысуына ризашылық білдірді.

Сұхбат барысында ғылым мен білім беру салаларындағы өзара іс-қимыл перспективалары қарастырылды. Р.Б.Сүлейменов атындағы Шығыстану институты мен Ватиканның апостолдық архиві мен кітапханасы арасындағы ынтымақтастықтың дамып келе жатқаны қанағаттанушылықпен аталып өтті.

Сонымен қатар тараптар «Bambino Gesú» клиникасымен серіктестік мәселелерін талқылап, педиатриялық неврология мен эпилептология саласындағы бірлескен жобаларды дамыту жоспарлары айқындалды.

Кездесу соңында тараптар жан-жақты ынтымақтастық мәселелері бойынша тұрақты диалогты жалғастыруға ниеттерін растады.

Дереккөз: ҚР СІМ баспасөз қызметі

Сообщение Қазақстан мен Қасиетті Тақ мәдени және гуманитарлық ынтымақтастықты нығайтуға ниетті появились сначала на SATMEDIA.KZ.

«Жалпыға бірдей білім беру» қоры аясында ата-аналардың және заңды өкілдердің есепшоттарына мектеп формасын, аяқ киім мен оқу-құралдарын сатып алу үшін шамамен 20 млрд теңге аударылды. Қолдау 430 мыңнан астам баланы қамтыды, бұл жалпы алушылар санының 87%-ына жуық.

2025 жылы көмек 500 мыңнан астам балаға көрсетіледі. Оның ішінде – жетім балалар, ата-анасының қамқорлығынсыз қалғандар, аз қамтамасыз етілген және атаулы әлеуметтік көмек алушы отбасылардың балалары, сондай-ақ өмірлік қиын жағдайға тап болған балалар бар.

Бүгінде Астана мен Шымкент қалаларында қаражат толық көлемде аударылып, 100% отбасы көмек алды.

«Өңірлер ата-аналардың есепшоттарына қаражатты белсенді түрде аударуда. Көмек алғандар сатып алынған тауарларды растайтын құжаттарды ұсынуы тиіс. Төлемді алу үшін өтініш жазу жеткілікті», — деп атап өтті ҚР Оқу-ағарту министрлігі Балалардың құқықтарын қорғау комитетінің төрайымы Насымжан Оспанова.

2025 жылы «Жалпыға бірдей білім беру» қоры бойынша жалпы қаржыландыру көлемі 23,1 млрд теңгені құрайды. Төлем мөлшері өңірлік бюджетке сәйкес, мәслихат шешімі негізінде белгіленеді және бір балаға кемінде 46 228 теңгеден төмен болмауы тиіс.

Айта кету керек, 2023 жылдан бері материалдық көмек көлемі 2,5 есеге өсіп, 17 мыңнан 46 мың теңгеге дейін артты.

Дереккөз: ҚР Оқу-ағарту министрлігінің баспасөз қызметі

Сообщение Оқушыларды мектепке дайындау үшін ата-аналардың есепшоттарына шамамен 20 млрд теңге аударылды — балалардың 87%-ы көмек алды появились сначала на SATMEDIA.KZ.

Қазақстан Президенті бауырлас Қырғыз Республикасына ресми сапармен келуге шақырғаны үшін Садыр Жапаровқа алғыс айтты.

– Бұл сапар екі ел арасындағы достық қатынастың дамуына тың серпін береді деп сенемін. Шын мәнінде, қазақ пен қырғыз – тілектес, бауырлас елдер. Біздің тарихымыз – тамырлас, салт-дәстүріміз бен таным-түсінігіміз, ұлттық болмысымыз ұқсас. Қос халықтың татулығы мен өзара құрметі ешқашан үзілген емес. Қазір де ықпалдастығымыз стратегиялық серіктестік рухында қарқынды дамуда. Біз барлық деңгейде өзара құрметке негізделген саяси диалог орнаттық. Мемлекетаралық, парламентаралық және үкіметаралық кеңестеріміз табысты жұмыс істеп келеді. Сондай-ақ өңіраралық байланыстарды дамытып жатырмыз. Жалпы, екі елдің арасында жан-жақты әрі тығыз ынтымақтастық орнаған, – деді Қасым-Жомарт Тоқаев.

Мемлекет басшысы Қырғызстан Президентінің екіжақты ықпалдастықты жаңа деңгейге көтеруге зор үлес қосқанына назар аударды.

– Мен мұны жоғары бағалаймын. Қажырлы еңбегіңіздің арқасында Қырғызстанда көптеген оң өзгеріс болып жатыр. Сіз халықтың әл-ауқатын жақсартуды көздейтін маңызды бастамаларды жүзеге асырып келесіз. Ел экономикасының жыл басынан бері 11,7 пайызға өсуі – осының айқын дәлелі. Біз бауырлас елдің барлық жетістіктеріне қуанамыз. Қырғызстанмен арадағы ынтымақтастықты барынша нығайтуға айрықша мән береміз, – деді Мемлекет басшысы.

Дереккөз: t.me/aqorda_resmi

Сообщение Қасым-Жомарт Тоқаев пен Садыр Жапаров келіссөз жүргізді появились сначала на SATMEDIA.KZ.

АҚШ билігі жүк көлігінің жүргізушілеріне еңбек визасын беруді дереу тоқтатқандарын мәлімдеді, – деп хабарлайды Reuters.

Мемлекеттік хатшы Марко Рубионың айтуынша, шетелдік жүк көлік жүргізушілері «жолдағы қауіпсіздікке қатер төндіріп, жергілікті жүргізушілерді жұмыссыз қалдырады».

Президент Дональд Трамп көктемде-ақ барлық коммерциялық жүк көлігін жүргізушілер ағылшын тілін білетінін растауға міндетті деген жарлыққа қол қойған болатын. Бұған дейін жол инспекторларына жүргізушілерді тек ағылшын тілін білмегені үшін ғана жазалауға тыйым салынған еді.

Мұндай қатаң шара Флорида штатындағы қайғылы оқиғадан кейін қабылданды: Үндістаннан келген жүргізуші АҚШ-та жұмыс істеуге рұқсаты болмай тұрып, қызметтік жол арқылы шығып кетіп, жол апатын жасаған. Апат салдарынан үш адам қаза тапты. Оған адамдардың өліміне кінә тақты және сотталу үшін Флоридаға жеткізді.

Көлік министрі Шон Даффидің айтуынша, лицензиясы жоқ әрі ағылшын тілін білмейтін жүргізушілер жолда елеулі қауіп төндіреді. Федералдық автокөлік басқармасы жол апатының мән-жайын тексеруді бастап кеткен.

Билік дерегінше, АҚШ-тағы жүк көлік жүргізушілерінің шамамен 16%-ы шетелде туған. Ал Мексиканың Сьюдад-Хуарес қаласында жүргізушілер Америкада жұмыс істеу мүмкіндігін жоғалтып алмау үшін ағылшын тілін үйрене бастаған.

Дереккөз: Informburo.kz

Сообщение «Тілді білмеу апатқа әкеледі». АҚШ шетелдік жүк көлік жүргізушілеріне виза беруді тоқтатты появились сначала на SATMEDIA.KZ.

Мұнда Отанына әр кезеңде қалтқысыз қызмет еткен қырғыз халқының даңқты перзенттері, сталиндік репрессия құрбандары жерленген. Кешенге «Ата бейіт» атауын жазушы Шыңғыс Айтматов ұсынған.

Мемлекет басшысы мемориалдық кешен аумағындағы 1916 жылғы үркіншілік құрбандарына арналған ескерткішке гүл шоғын қойды.

Дереккөз: Ақорда

Сообщение Президенттің Қырғыз Республикасына ресми сапары «Ата бейіт» ұлттық тарихи-мемориалдық кешеніне зиярат етуден басталды появились сначала на SATMEDIA.KZ.

Ақордада Президент Қасым-Жомарт Тоқаевтың төрағалығымен ұлттық экономика және бюджетті жоспарлау мәселелері жөніндегі жиын өтті.

Іс-шараға Премьер-министр Олжас Бектенов, Президент Әкімшілігінің басшысы Айбек Дәдебай, Ұлттық банк төрағасы Тимур Сүлейменов, Жоғары аудиторлық палата төрағасы Әлихан Смайылов, Премьер-министрдің орынбасары – Ұлттық экономика министрі Серік Жұманғарин және басқа да лауазымды тұлғалар қатысты.

Ұлттық экономиканың қазіргі жай-күйі мен даму перспективасы, сондай-ақ 2026-2028 жылдарға арналған республикалық бюджеттің параметрлері туралы баяндамалар жасалды.

Талқылау барысында Мемлекет басшысы республикалық және жергілікті деңгейде қаржыны тиімді жоспарлау мен бөлудің маңызы зор екенін атап өтті.

Президент бюджеттің теңгерімділігін қамтамасыз етуге, барлық әлеуметтік міндеттемелер мен өңірлердің ұзақмерзімді жоспарларын қаржыландыруға, сонымен қатар қаражатты мақсатқа сай бөлуге және игеруге баса назар аудару қажет деп санайды.

Дереккөз: t.me/aqorda_resmi

Сообщение Мемлекет бюджетін жоспарлау бойынша жиын өтті появились сначала на SATMEDIA.KZ.

Сарыағаш ауданында азаматтардың өтініш-шағымдары мен талап-тілектерін тыңдау мақсатында кезекті жеке қабылдау өтті. Қабылдауды аудан прокурорының орынбасары Асылбек Туршеков жүргізіп, тұрғындардың күнделікті өміріне қатысты әлеуметтік және құқықтық мәселелерін жан-жақты қарастырды.

Авторлар: Әсел Әбдібек, Нұрәудел Жолбарыс

Сообщение Прокурор тұрғындармен кездесті появились сначала на SATMEDIA.KZ.