Біріккен Араб Әмірліктері жасөспірімдерге тәртіпті қатайтып, әлеуметтік желіні ішінара шектеді. 15 жасқа дейінгі бала жеке парақша аша алмайды.

Толық тыйым салған елдер:

• Австралия (16 жас) — әлемде бірінші болып 16 жасқа дейінгілерге желіні мүлдем жауып тастады.
• Индонезия мен Малайзия (16 жас) — Оңтүстік-Шығыс Азиядағы алғашқы елдер. Балалардың аккаунттары жаппай бұғатталады.
• Қытай (Арнайы режим) — 14 жасқа дейінгі балаларға желіде күніне тек 40 минут қана рұқсат және түнгі уақытта мүлдем істемейді.

Жаңа заң қабылдаған және дайындап жатқан елдер:

• Ұлыбритания мен Канада (16 жас) — 16 жасқа толмағандарға тыйым салатын заң жобаларын бекітті.
• Түркия мен Франция (15 жас) — 15 жасқа дейінгі балаларға ата-анасының рұқсатынсыз желіге тіркелуге заңмен шектеу қойды.
• Испания, Норвегия, Швеция — 15-16 жас аралығындағы жасөспірімдерге тыйым салуды қызу талқылап жатыр.

Дереккөз: 24kz

Сообщение Біріккен Араб Әмірліктерінде енді 15 жасқа дейінгі бала жеке парақша аша алмайды появились сначала на SATMEDIA.KZ.

Мексика плей-оффқа шықты. Осылайша олар әлем чемпионатының келесі кезеңіне жолдама алған алғашқы команда атанды. Олар А тобының екінші турында Оңтүстік Кореяны 1:0 есебімен жеңді. Дәл осы мүмкіндік плей-оффқа өтуге жол ашты. А тобының екі турдан кейінгі турнирлік кестесі:

• Mexico – 6 ұпай;
• South Korea – 3 ұпай;
• Czech Republic – 1 ұпай;

South Africa – 1 ұпай. Бұған дейін Мексика құрамасы Оңтүстік Африканы 2:0 есебімен ұтқан еді.

Дереккөз: t.me/stankznews

Сообщение Мексика плей-оффқа шықты появились сначала на SATMEDIA.KZ.

Футболдан 2026 жылғы әлем чемпионатында K тобында сынға түсіп жатқан Өзбекстан – Колумбия кездесуі аяқталды.

Дүбірлі додаға алғаш рет қатысып отырған өзбекстандық футболшылар бірінші ойында Оңтүстік Американың тәжірибелі құрамасына жолықты. Соған қарамастан олар бұл кездесуде ұпай олжалауға бар күшін салды. Десе де ойын басынан Колумбия құрамасы тізгінді өз қолына ұстауға тырысты. Толассыз шабуыл ұйымдастырып, гол соғатын мүмкіндікті іздеді. Оған өзбекстандық қорғаушылар лайықты тойтарыс беріп жатты.

Ойынның 42-минутында колумбиялық Даниэль Муньос өз мүмкіндігін мүлт жіберген жоқ. Ол әріптесі Луис Диастың берген пасын голға айналдыра білді.

Ендігі кезекте Фабио Каннаваро шәкірттері таразы басын теңестіруге ұмтылды. Дегенмен бірінші кезеңде таблодағы есеп өзгеріссіз қалды.

Екінші кезеңде өзбекстандық шабуылшы Аббосбек Файзуллаев 60-минутта көздеген нысанадан мүлт кетпесе, 65-минутта Луис Диастың голынан кейін қайтадан Колумбия алға шықты.

Ал 99-минутта колумбиялық Хаминтон Кампас қорытынды есепті белгіледі.

Осылайша Өзбекстан құрамасы қарсыласына 1:3 есебімен есе жіберді.

Айта кетсек, бұл топтағы Португалия – Конго Демократиялық Республикасы кездесуінде 1:1 есебі тіркелді.

Енді 23 маусымда Өзбекстан құрамасы Португалиямен кездессе, 24 маусымда Колумбия мен Конго ДР жасыл алаңға шықты.

Сондай-ақ L тобында Англия құрамасы Хорватияны 4:2 есебімен жеңсе, Гана Панаманы 1:0 есебімен жеңді.

Дереккөз: KAZINFORM

Сообщение Өзбекстан құрамасы енді Португалиямен кездеседі появились сначала на SATMEDIA.KZ.

Қырғызстанда парламент депутаттары «Азаматтық хал актілері» туралы заңға балаларға қосарланған фамилия беруге рұқсат етуге қатысты өзгертулер енгізу жөнінде бастама көтерді.

Қырғыз басылымдарының айтуынша, қолданыстағы заңнама бойынша балаға ата-анасының бірінің тегі өзара келісім бойынша беріледі. Қосарланған фамилияға рұқсат жоқ. Ал депутаттардың ұсынысы қолдау тапқан жағдайда бала әкесі мен анасының тегін қатар ала алады. Бұл ретте фамилиялар дефис арқылы жалғанады және оның реттілігін ата-ана өзі таңдай алады. Яғни әкесінің тегі бірінші тұра ма, әлде анасының тегі алға шыға ма – оны ата-ана өзі шешеді.

Дереккөз: 24kz

Сообщение Қырғызстанда балаларға әкесі мен шешесінің фамилиясы қатар берілуі мүмкін появились сначала на SATMEDIA.KZ.

Олар соғысты тоқтату және Ормуз бұғазын ашу туралы меморандумға қол қойды.

Келісімге қол қойылғанын Иран Сыртқы істер министрлігінің ресми өкілі Исмаил Багаи мәлімдеді.

Рәсім қашықтан, электрондық форматта өткен. Сондықтан бұған дейін жоспарланған Женевадағы ресми қол қою салтанаты өтпейді. Құжатқа АҚШ президенті Дональд Трамп пен Иран президенті Масуд Пезешкиан қол қойды. Келісім күшіне енді.

Трамп та мұны растады.

Дереккөз: t.me/stankznews

Сообщение АҚШ пен Иран ақыры келісімге қол қойды появились сначала на SATMEDIA.KZ.

Қазақстанның Сербиядағы Елшісі Мәди Атамқұлов Сербия Сыртқы істер министрлігінің мемлекеттік хатшысы Дамьян Йовичпен кездесті.

Кездесу барысында тараптар Қазақстан мен Сербия арасындағы екіжақты ынтымақтастықтың күн тәртібіндегі өзекті мәселелерін талқылап, сондай-ақ сыртқы саяси ведомстволардың көпжақты форматтағы өзара іс-қимылы бойынша пікір алмасты.

Елші М.Атамқұлов серб әріптестеріне Қазақстанның халықаралық бастамаларын дәстүрлі түрде қолдап келе жатқаны үшін алғыс білдірді. Өз кезегінде Д.Йович ресми Белградтың Қазақстан Республикасымен серіктестікті одан әрі тереңдету бағытына бейілділігін растады.

Кездесу қорытындысында тараптар тұрақты диалогты жалғастыруға және халықаралық аренадағы ынтымақтастықты кеңейтуге ниетті екендіктерін тағы да растады.

Дереккөз: ҚР СІМ баспасөз қызметі

Сообщение Қазақстан мен Сербияның халықаралық ұйымдар аясындағы ынтымақтастығы Белградта талқыланды появились сначала на SATMEDIA.KZ.

Қазақстан Республикасының Кувейт Мемлекетіндегі Елшісі Ержан Елекеев Кувейт Мемлекетінің Ақпараттық технологиялар жөніндегі орталық агенттігінің (CAIT) Бас директорының міндетін атқарушы Наджат Хусейн Ибрахиммен кездесті.

Қазақстан Елшісі кувейттік тарапты елімізде жүзеге асырылып жатқан цифрлық даму реформаларымен таныстырып, Жасанды интеллект және цифрлық даму министрлігінің құрылуы, сондай-ақ мемлекеттік қызметтердің заманауи цифрлық экожүйесін қалыптастырудағы қол жеткізілген нәтижелер туралы айтты.

Кездесу барысында Қазақстанның БҰҰ-ның Электрондық үкіметті дамыту индексінде (UN E-Government Development Index) 193 мемлекет ішінде 24-орында тұрғаны және онлайн мемлекеттік қызметтердің даму деңгейі бойынша әлемдегі көшбасшы елдердің қатарына кіретіні аталып өтті.

Елші сондай-ақ Қазақстан Республикасы Президенті Қасым-Жомарт Тоқаевтың бастамасымен 2026 жыл Цифрландыру және жасанды интеллект жылы болып жарияланғанын атап өтті. Осыған орай елімізде жасанды интеллектті дамытуға, цифрлық инфрақұрылымды жетілдіруге, IT-мамандарды даярлауға және мемлекеттік басқару мен экономикаға заманауи технологияларды енгізуге бағытталған кешенді шаралар жүзеге асырылуда.

Қазақстан тарапы азаматтар мен бизнеске мыңнан астам мемлекеттік қызметті электрондық форматта ұсынатын ұлттық электрондық үкімет жүйесінің мүмкіндіктерін де таныстырды. Бұл мемлекеттік қызметтердің басым бөлігін қашықтан алуға мүмкіндік беріп, мемлекеттік органдармен өзара іс-қимылдың тиімділігін едәуір арттыруда.

Өз кезегінде кувейттік тарап мемлекеттік басқаруды цифрландыру және электрондық қызметтерді енгізу саласындағы Қазақстан тәжірибесін зерделеуге қызығушылық білдіріп, еліміздің осы бағыттағы жетістіктеріне жоғары баға берді.

Кездесу қорытындысы бойынша тараптар ынтымақтастықтың нақты бағыттарын талқылау мақсатында жақын арада екі елдің бейінді ведомстволары арасында онлайн-кездесу ұйымдастыруға, сондай-ақ тәжірибе алмасу және практикалық өзара іс-қимылды дамыту мақсатында өзара сапарларды пысықтауға келісті.

CAIT (Central Agency for Information Technology) – мемлекеттік секторды цифрлық трансформациялау, электрондық үкіметті, ақпараттық технологияларды дамыту және ұлттық цифрлық стратегияны іске асыруға жауапты Кувейттің уәкілетті мемлекеттік органы.

Дереккөз: ҚР СІМ баспасөз қызметі

Сообщение Қазақстанның цифрландыру саласындағы тәжірибесі Кувейттің қызығушылығын тудырды появились сначала на SATMEDIA.KZ.

АҚШ-тың Ларедо қаласында Cessna Citation Latitude типті бизнес-джет тас жолға құлап, артынша өртке оранды.

Associated Press агенттігіне сілтеме жасап. Апат салдарынан бір адам көз жұмып, тағы бірнеше адам жарақат алды. Associated Press агенттігінің хабарлауынша, NetJets компаниясына тиесілі ұшақ бортында алты адам болған. Олардың бірі оқиға орнында қаза тапса, қалған бес жолаушы түрлі жарақат алып, ауруханаға жеткізілген.

Ұшақ Ларедо халықаралық әуежайының маңында құлаған. Диспетчерлер ұшу кезінде бортта техникалық ақау тіркелгенін хабарлаған. Біраз уақыттан кейін әуе кемесімен байланыс үзіліп, ұшақ Loop 20 тас жолына құлап түскен.

Куәгерлердің айтуынша, апаттан кейін ұшақ өртеніп, айналадағылар зардап шеккендерді кабинадан шығаруға көмектескен. Кейбір адамдар терезені құралдардың көмегімен сындыруға тырысқан. Ұшақтың бір бөлігі жолда келе жатқан көлікке де соғылған.

Көліктегі адамдар аман қалғанымен, олар да ауруханаға жеткізілді. Құтқару жұмыстарына қатысқан бес полиция қызметкері түтінге улану белгілерімен медициналық көмек алған. Апаттан кейін тас жолдың екі бағыты да уақытша жабылды.

Қазір мамандар ұшақ қалдықтарын тазалау және төгілген авиациялық жанармайдың салдарын жою жұмыстарын жүргізіп жатыр. Оқиғаның нақты себебін АҚШ-тың Ұлттық көлік қауіпсіздігі кеңесі анықтайды.

Дереккөз: https://24.kz/kz/zha-aly-tar/lemde/775094-aks-ta-zolausylar-usagy-taszolga-kulap-bir-adam-kaza-tapty

Сообщение АҚШ-та жолаушылар ұшағы тасжолға құлап, бір адам қаза тапты появились сначала на SATMEDIA.KZ.

Қауіптісі індет көрші-қолаң ғана емес, бүкіл әлемге таралуы ықтимал. Өйткені тоқтайтын түрі көрінбейді.

Эбола індетінің алғашқы белгілері басқа ауруларға ұқсас. Ал қара құрлыққа туристер көп барады. Бұл қауіпті вирустың дүниенің бір бұрышынан екінші бұрышына тез таралу қаупін арттырады, дейді дәрігерлер. Қазір Конгода инфекцияның Бундибуджио деп аталатын штамы өршіп тұр.

Мамандар осы уақытқа дейін қатерлі дертті жұқтырған әр үшінші науқас көз жұмғанын айтады.

Дереккөз: 24kz

Сообщение Эбола безгегі бүкіл дүниежүзіне таралуы мүмкін появились сначала на SATMEDIA.KZ.

Израильдің Ливанға қарсы ықтимал әскери әрекеті АҚШ пен Иран арасындағы келісімге әсер етпейді.

Бұл туралы АҚШ президенті Дональд Трамп «Үлкен жетілік» саммиті барысында мәлімдеді.

Оның айтуынша, Ливандағы жағдай Тегеранмен арадағы уағдаластықтардың орындалуына кедергі болмайды. Соған қарамастан Ақ үй басшысы Израиль премьер-министрі Биньямин Нетаньяхуды Бейрутқа қатысты шешімдерде жауапкершілік танытуға шақырды.

Дереккөз: 24kz

Сообщение Трамп Ливан туралы мәлімдеме жасады появились сначала на SATMEDIA.KZ.