Сарығашта алғаш рет жоғары білім көрмесі өтті
ҚР Жоғарғы білім және ғылым министрлігінің ұйымдастыруымен Сарыағаш аудандық мәдениет үйінде жоғары білім көрмесі өтті. Аталмыш шара аясында еліміздегі 23 жоғарғы оқу орны кәсіптік бағдар беру жұмыстарын жүргізді. Көрмеде университеттер талапкерлер мен ата-аналарға өздерінің білім беру бағдарламаларын ұсынып, мектеп түлектеріне арналған шеберлік сыныптары, семинарлар, тренингтер өткізді. Жоғарғы білім көрмесі 10 маусым күні киелі Түркістан шаһарында басталған. Кең ауқымдағы мұндай білім көрмесі Сарыағаш өңірінде тұңғыш рет ұйымдастырылып отыр.
«Береке Келес» қоры алғашқы баспанасын табыстады
Қайырымдылық жасау – қазақтың қанында ежелден бар қасиет. Асыл дініміз де мұқтаж жандарға жақсылық жасауға бұйырады. Бүгінде көпбалалы, әлеуметтік мәртебеге ие отбасыларға айырықша көңіл ажыратылып, демеушілер,
қайырымдылық қорлары үй табыстауда. Соның бірі – «Береке» Келес қайырымдылық қоры. Демеушілердің көмегімен алғашқы баспанасын сыйлады.
Тазалық акциясына ардагерлер үн қосты
Жалпыхалықтық тазалық шарасында сарыағаштық ардагерлер де үлестерін қосуда. Аудандағы тазалық пен көгалдандыру шарасына белсене қатысып, көптің күшімен аудан іргесіндегі «Саялы Сарыағаш-Сырлы Келес» саябағы қоқыстан тазартылды. «Германиядағы Кеңес әскерінің тобы мен Варшава келісім-шарты әскерінің тобы ардагерлері» республикалық қоғамдық бірлестігінің 50-ден ардагері қатысып, акцияда жұмыла жұмыс істеді .
Жаңа кітаптың тұсауы кесілді
Тасқұдық елді-мекенінің тарихы, арда азаматтарының әзіз аттары ардақталып жазылған «Тағылым» кітабының тұсауы кесілді. Жаңа туындының авторы – 38 жыл ұстаздық жолында аянбай тер төгіп келе жатқан білікті ұстаз – Жанар Мансурбаева. Мектеп мұғалімі өңірдің тарихын қағаз бетіне түсіріп, кейінгі ұрпаққа үлгі боларлық өнегелі іске ұйытқы болды.
Есептік жиын – Әлімтауда
Аудан әкімінің кезекті есептік жүздесуі Әлімтау ауылдық округінде өтті. Жиын барысында аудан басшысы өткен жылы атқарылған жұмыстарды баяндай келе, экономикалық жетістіктер мен алдағы мақсат-міндеттерге тоқталды. Ал халық тарапынан инфрақұрылым жайының проблемасы айтылып, жайылым жер мәселесі де талқыланды. Ашық пікір алаңында тұрғындардың ұсыныс-пікірлерлері ескерусіз қалмайды дейді Арман Айдарұлы.
Білімдегі жетістіктер
Келес ауданындағы №62 Н.Шойбеков атындағы жалпы білім беретін мектебінің ұстаздары біліктілігін халықаралық деңгейде шыңдаса, оқушылары білім және білегінің күшімен оқу ордасының абыройын асқақтатуда. Мектеп шәкірті Назым Закирова қол күресінен ҚР чемпионатынан жемісті жеңіспен оралды. Мектептің айтулы оқиғалары мұнымен түгесілмек емес. Оқушылар арасында зияткерлік білім сайыстары жиі өткізіліп, кітап жарыстары ұйымдастырылады. Осылайша, мектеп оқушылары білім додаларында еңсе жібермей, биіктен көрінуде.
Есептік жиын жалғасуда
Аудан әкімі Арман Абдуллаев ел алдында есеп беру жиынын Жібек жолы ауылдық округінде жалғастырды. Өткен жылы окуруг тұрғындарымен 5 рет жүздесу өткен еді. Тұрғындар тарапынан 81 мәселе көтеріліп, оның 30-ы бүгінде толықтай шешімін тапқан. 38 өтініш орындалу үстінде, ал қалған 13 мәселеге қосымша қаржы мен уақыт қажеттігін айтып өтті. Бұл жиын барысында да атқарылған қыруар шаруаның басын қайырып, ауданның әлеуметтік-экономикалық дамуы жөнінде есеп берді. Ал ел не деді? Алдағы бейнесюжет толықтырады.
Жүйелі жұмыс жалғасады
Тұрғындар мен билік арасындағы байланыстың бір көрінісі – есептік кездесу. Өңір басшысы Жемісті жұртшылығымен жүздесті. Былтырғы жылы атқарылған жұмыстарды саралай келіп, ауданның дамуы, экономикалық жетістіктері мен алдағы жоспарлары туралы мәліметтерді тізбектей жеткізді. Сондай-ақ, ауыл тұрғындары өздерінің ұсыныс-талаптарын ортаға салуға мүмкіндік алып, сауалдарын жолдады. Нақты қандай мәселе көтерілді? Толығырақ алдағы бейнесюжетте.
Халықаралық күлкі күні
1 сәуір – Халықаралық күлкі күні. Жыл сайынғы бұл дәстүрлі мереке күні әзілі жарасқан адамдар өзара әзілдесіп, құрдастар қалжыңдасып жатады. Бұл да жарасымдылықтың бір белгісі. Күлкі күніне орай, Сарыағаш аудандық мәдениет үйінде «Қызыл теке қызықтары» атты әзіл-сықақ кеші өтті. Өнерпаздар жиналған жұртшылықтың көңілін қалжыңмен көтеруге тырысты. Сарыағаштықтар қалжың мен әжуаға толы сахналық көріністі тамашалап, езуге күлкі үйірілді.