Тұғыры биік мереке
Авторлар: Айгерім Айтбаева, Сағындық Ислам
Кітапханашылар мерекесі
24-қазан Кітапханашылар күні мерекесі. Былтыр ғана айтулы дата боп бекітілген жаңа мереке аясында Сарыағаш аудандық орталық кітапханалар жүйесіне қарасты Дарбаза ауылдық кітапханасы бүгінде облысымызға танымал. Қорында 18722 кітабы бар ауылдың рухани орталығы туралы алдағы сюжетте.
Спорт – мүмкіндікті шектемейді
Елімізде тағдырдың тәлкегіне ұшыраса да, сынға сүрінбей, өмірдің соқпағына қарымта соққы жасап жүрген спортшылар бар. Бүгін біз әңгімелейтін жандар нағыз қайсарлық пен төзімділіктің құнын көрсетіп, “қалауын тапсаң – қар жанадының” дәлелі бола алады. Келестік батыр спортшылармен сұхбаттасып қайтқан әріптесім Айгерім Айтбаеваның сюжеті назарларыңызда.
Жаңа жоба
Келес аудандық мәдениет үйінде “Шағын жинақты мектептермен серіктестік аясында білім сапасын арттырудың проблемалары мен жаңашыл әдістәсілдері” тақырыбында республикалық семинар ұйымдастырылды. Семинардың мақсаты – мамандандырылған мектеп тәжірибесі негізінде серіктес шағын жинақты білім мекемелерінде білім сапасын арттыруға бағытталған әдіс-тәсілдермен алмасу.
«Жүректен жүрекке»
Келес ауданы жұмыспен қамту және әлеуметтік бағдарламалар бөлімінің ұйымдастыруымен «Қазыналы қария – Тең қоғам» әлеуметтік қызметтер көрсету орталығында мүмкіндігі шектеулі азаматтарға арналған мерекелік жиын өтті. Аудан басшысының орынбасары Дәурен Сариев арнайы келіп, ерекше азаматтарды құттықтады. Мүмкіндігі шектеулі жандарға арналған «Жүректен жүрекке» іс-шарасы барысын әріптесім Айгерім Айтбаева жалғайды.
Мәдениет және спорт серкелері
Тәуелсіздік жылдарында ауданымыз түрлі салада биіктерден көрінді. Агроөнеркәсіп, мәдениет, ауыл шаруашылығы облыстағы өзге аудандардың арасынан іріктеліп, үздіктер қатарынан ойып тұрып орын алуға мүмкіндік берді. 25-қазан ұлттық Республика күніне орай қолға алынған айдарымызда өлкеміздің жетістіктеріне тоқталмақпыз. Ауданымыздың мәдениет және спорт саласындағы бағындырған белестері жайлы әріптесім Айгерім Айтбаева айтып берсін.
«Оқырманы бар ақын – бақытты ақын»
Сарыағаш аудандық орталық кітапханасында саялы мекеннен шыққан, есімі елге танымал, өзінің ерекше шығармаларымен оқырман көзайымына айналған ақын-жазушы, Халықаралық және Жазушылар Одағының мүшесі, Қазақстан педагогикалық Академиясының профессоры Әбілсапар Тұрғынбаевпен «Оқырманы бар ақын – бақытты ақын» атты сыр-сұхбат кеші өтті. Балалар кітапханасының ұйымдастыруымен өткен жиынның мақсаты – оқырмандарды жергілікті ақын – жазушылардың шығармашылығымен таныстыру.
Ұйғыр халқының мерекесі
Бүгін Түркістан облыстық «Ұйғыр» этномәдени қоғамдық бірлестігінің тілі, мәдениеті және салт – дәстүрі күні өтті. Сәйкесінше, қаламыздағы мейрамханалардың бірінде арнайы жиын ұйымдастырылып, ақ дастархан жайылды. Қазақ жерінен тұрақ тапқан ұйғыр халқының ұлттық әндері шырқалып, қолөнер бұйымдары жиналғандар назарына ұсынылды.
Аурухана жұмысы пысықталды
Облыс әкімінің орынбасары Бейсен Тәжібаев ауданымызға арнайы іс-сапармен келді. Орталық ауруханада жүріп жатқан жөндеу жұмыстарымен танысып, игі іске оң бағасын берді. Жөндеу жұмыстары кезіндегі кемшіліктерді де сынға алды.
Тендердің тауқыметі
Панфилов мектебінен шу шықты. Бұл жолы мердігер компания мен жеке кәсіпкер арасында дау туындады. Себеп – келісімшарт негізінде басқа сан, ал шын мәнінде мүлде өзге пайыздармен жұмыс жасалуда. Бекітілген ас мәзірінің жартысы ғана төленеді деп арнамызға шағымданған кәсіпкер, мердігер компания өкілдерінен ақшасын толық қайтарып беруін талап етіп отыр.