Қаржы министрлігінің Мемлекеттік кірістер комитеті үш жыл ішінде «Google салығы» Қазақстан бюджетіне қанша табыс әкелгенін айтты, – деп хабарлайды satmedia.kz тілшісі Tengrinews.kz-ке сілтеме жасап.

Ведомство мәліметінше, үш жылдың ішінде шетелдік компаниялар Қазақстан бюджетіне 58 миллиард теңгеден аса қаржы төлеген. 2022 жылы түсімдердің жалпы сомасы 10 миллиард теңгеге, 2023 жылы – 24 миллиард теңгеге тең болған. Ал биылғы 9 айда бюджетке 23 миллиард теңге салық аударылған.

Ең көп салық iHerb денсаулыққа арналған тауарларды сату бойынша маркетплейстен түседі (11 миллиард теңге). Екінші орында Apple (9 миллиард теңгеден астам) тұр. Google үш жыл ішінде 9,3 миллиард теңге төлеген.