Сарыағаш ауданында студенттер калай окиды?

2020 жылы төтенше жағдайға байланысты студенттер қашықтан оқыту форматына көшті. 1 ақпаннан бастап талапкерлер үшін 2 семестр басталады. Оқу форматы қалай болмақ? Дәстүрлі оқу ма, әлде онлайн түрде қашықтан білім ала ма? Тілішіміз айтып берсін

Елімізде 125 жоғары оқу орындары жұмыс істейді. Біздің Сарыағаш ауданында орналасқан 4 колледж бар. Соңғы қаулыға сәйкес, II семестрден бастап колледждер мен жоғары оқу орындарының бірінші курс студенттері дәстүрлі түрде оқитын болады. Алайда, «Бұл мәселеде бастысы – ұстаздар мен студенттердің денсаулығын ескере отырып, барлық санитарлық талаптарды орындау»,-дейді мамандар.

Әбілқасым Анарбаев, Сарыағаш ауданы санитарлық-эпидемиологиялық бақылау басқармасының басшысы

Өңірімізде орналасқан «Арыстанбаб» жоғары колледжінің директоры, болашақ маман иелерінің дәстүрлі форматта оқуын құптап отыр. Ол өз сөзінде, колледж студенттерді офлайн оқуға қабылдауға дайын екендігін жеткізді.

Арслан Асанов, «Арыстанбаб» жоғары колледжінің директоры

Маман даярлау – маңызды мәселе. Болашақта саланың білікті мамандармен толығып, халыққа көрсетілетін қызмет сапасының жақсаруы үшін студенттер жақсы білім алуы қажет.

Авторлар: Еркежан Құрбанәліқызы, Рахманбек Құралов