Орталық базар аумағында орналасқан зергерлік шеберханалардың бірінің зергеріне қатысты азаматтардан полицияға арыз-шағымдар түскен.

Белгілі болғандай, зергер клиенттерден алтын бұйымдарды жөндеуге немесе әшекей жасау үшін қабылдап алған. Кейін ол бағалы заттарды ломбардқа өткізіп, түскен ақшаны жеке қажеттіліктеріне жұмсаған.

Қазіргі таңда оның кемінде 20 алаяқтық дерегіне қатысы бары анықталды. Жәбірленушілерге келтірілген жалпы шығын 12 миллион теңгеден асады.

Аталған факті бойынша тергеу жүргізіліп жатыр. Күдікті уақытша ұстау изоляторына қамалды.

Дереккөз: Ашық ақпарат көздерінен