Жылыту маусымының басталуына байланысты Түркістан облысы Төтенше жағдайлар департаменті және Сарыағаш ауданының Төтенше жағдайлар басқармасы тұрғындарды қауіпсіздік шараларын күшейтіп, тұрмыстық қауіптің алдын алуға шақырады!

Қауіпсіздік — әр отбасының жауапкершілігі. Сондықтан төмендегі ережелерді сақтау өте маңызды.

Улы газдан уланудың алдын алу үшін қауіпсіздік шаралары:

Пештер мен жылыту қондырғыларының техникалық жағдайын міндетті түрде тексеріңіз;

Мұржаларды уақытылы тазалап, түтіннің кері қайтуына жол бермеңіз;

Жанармай толық жанбау кезінде бөлінетін көміртегі тотығы (СО) өмірге аса қауіпті екенін ұмытпаңыз;

Пеш жағу кезінде бөлмені желдетіп тұрыңыз, есік-терезені толық бекітпеңіз;

Балаларды пеш пен газ жабдықтарына жақындатпаңыз.

Өрттің алдын алу және қауіпсіздік талаптары:

Электр сымдарының жарамдылығын, розеткалар мен қосқыштарды жүйелі түрде тексеріңіз;

Үй ішінде ашық отты қолданғанда аса мұқият болыңыз;

Газ және жылытқыш құрылғыларын қараусыз қалдырмаңыз;

Сіріңке, газ баллондары және тез тұтанғыш заттарды балаларға қолжетпейтін жерде сақтаңыз;

Электр құралдарын шамадан тыс жүктемеңіз, түнде қосулы қалдырмаңыз.

Қосымша қауіпсіздік кеңестері:

Үйге түтін датчигін (дыбыстық хабарлағыш) орнату уақтылы ескерту береді;

Жеке қауіпсіздік үшін алғашқы өрт сөндіргіштің болуын қадағалаңыз;

Газ иісін сезсеңіз бірден терезе ашып, электр жарығын қоспай, мамандарға хабарласыңыз;

Көп қабатты үйлерде эвакуациялық жолдарды бітеп тастамаңыз.

Өрт немесе төтенше жағдай байқалған жағдайда
101 немесе 112 нөміріне дереу хабарласыңыз!

Қауіпсіздік ережелерін сақтау – өз өміріңізді, жақындарыңызды және үйіңізді қорғаудың ең сенімді жолы!