Ұшқын ауылдық округінде өткен “Жарамазан – Жақсылық Жаршысы” атты байқау ерекше мәнге ие болды. Қасиетті Рамазан айының соңғы күнінде ұйымдастырылған шара ауыл тұрғындарының рухани бірлігін нығайтып, ұлттық дәстүрлерімізді дәріптеу мақсатында өткізілді. Ұшқын ауылының “Айнақұл ата” жамағат мешітінде ауызашар беріліп, ізгі шаралар ұйымдастырылды. Одан кейін, аудандық жарамазан айтудан жарыс басталып, қатысушылар өз өнерлерін ортаға салды.

Авторлар: Мейірхан Бақытжанұлы, Ережеп Тұрғынбайұлы