Айбек Күміспековпен әңгімелесу барысында өңірлік саясат пен моноқалаларды дамыту мәселелері көтерілді. Ол жергілікті атқарушы органдардың, қала құраушы кәсіпорындардың, шағын және орта бизнестің, сондай-ақ ұлттық инвесторлардың қатысуымен өңірлік бағдарламаларды әзірлеу жөніндегі ұсыныстарын ортаға салды. Сонымен қатар әлеуметтік тұрақтылықты нығайту үшін әлеуметтік диалог құралдары, қоғамдық форумдар мен дөңгелек үстелдер ұйымдастыру арқылы қоғамның әртүрлі топтарының өзара қарым-қатынасына ерекше назар аударды.

Мәжіліс спикері Александр Даниловпен еліміздегі талдау орталықтарының жұмысын күшейту туралы әңгімелесті. Ол ғылыми зерттеулерді қаржыландыруды арттыру, олардың нәтижелерін мемлекеттік шешімдерді әзірлеуде жүйелі түрде қолдану, заңнамалық қызметке талдау орталықтарының сарапшыларын тарту бойынша шаралар қабылдауды ұсынды. Сондай-ақ жастар саясатын дамытудың өзекті мәселелерін және «Жұмысшы мамандықтары жылы» аясындағы іс-шараларды жүзеге асыру жөнінде сөз қозғады.

Дереккөз: parlam.kz