Қазақстан Республикасының Сан-Францискодағы Бас консулы Назира Нұрбаева Солт-Лейк-Сити қаласына жұмыс сапарымен барды, – деп хабарлайды satmedia.kz тілшісі ҚР СІМ баспасөз қызметіне сілтеме жасап.
Сапардың мақсаты – Қазақстан өңірлері мен Юта штаты арасындағы екіжақты сауда-экономикалық және мәдени-гуманитарлық ынтымақтастықты нығайту болды.
Юта штатының вице-губернаторы Дейдре Хендерсонмен кездесу барысында өңірлер арасындағы стратегиялық серіктестікті одан әрі дамыту мәселелері талқыланды.
Сапар аясында Н. Нұрбаева Ютадағы Дүниежүзілік сауда орталығында Қазақстанның инвестициялық тартымдылығы бойынша іскер топтармен дөңгелек үстел өткізді.
Сонымен қатар Юта Олимпиадалық мұра ұйымының басшылығымен, Юта туризм басқармасымен, Юта университетінің өкілдерімен келіссөздер жүргізіп, өзара ынтымақтастықты орнату бойынша кездесулер өткізді.
Сапар барысында Бас консул Юта штатында тұратын қазақ диаспорасының тыныс-тіршілігімен танысып, қазақ тілді үйрену бойынша курстарды, кітапхана ашу және басқа да мәдени бастамалар туралы пікір алмасты.
Дереккөз: ҚР СІМ баспасөз қызметі
