Түркістан облысында полицейлер бір қыстақтан 3 рет мал ұрлаған күдіктіні ұстады

Фото: Түркістан облысының Полиция Департаменті

Түркістан облысында полицейлер бір қыстақтан 3 рет мал ұрлаған күдіктіні ұстады, – деп хабарлайды satmedia.kz тілшісі Түркістан облысының Полиция Департаментіне сілтеме жасап.

Сарыағаштық полицейлер жедел-іздестіру іс-шарасы барысында жайылымға 3 рет ұрлыққа түскен жас күдіктіні ұстады. Күдіктінің айтуынша, ол қаражат табу мақсатында қылмысқа барған. Яғни түнгі уақытта тұрғынның жайылымда жүрген сиырын ұрлап, қылмыс орнынан жасырынған.

Содан кейін ұрланған малды сатып, ақшасын қажеттілігіне жұмсаған. Полиция қызметкерлері күдіктінің бұдан бөлек мал ұрлығының екі фактісіне қатысы барын анықтады. Жәбірленушілерге келтірілген шығын көлемі – 1,5 миллион теңге.

Қазіргі таңда күдікті қамауда, іс сотқа жолданды.

Дереккөз: Түркістан облысының Полиция Департаменті

Достармен бөлісу
Share on facebook
Share on twitter
Share on vk
Share on odnoklassniki
Share on telegram
Share on whatsapp

Танымал жаңалықтар