Қазақстанда азаматтық алу үшін мемлекеттік тілді білу талаптары белгіленді. Тиісті бұйрыққа ғылым және жоғары білім министрі қол қойды, – деп хабарлайды satmedia.kz тілшісі Tengritravel.kz-ке сілтеме жасап.

«Қазақстан Республикасы азаматтығына қабылдау немесе Қазақстан Республикасының азаматтығын қалпына келтіру кезінде мемлекеттік тілді қарапайым деңгейде білу деңгейі кемінде 36 (отыз алты) балл, Қазақстан Республикасы Конституциясының негіздері кемінде 9 (тоғыз) балл, сондай-ақ Қазақстан тарихы кемінде 15 (он бес) балл болып бекітілсін», – делінген құжатта.

Бұйрықтың орындалуын бақылау жетекшілік ететін ғылым және жоғары білім вице-министріне жүктелсін.

Бұйрық алғашқы ресми жарияланған күнінен кейін қолданысқа енгізіледі.

Дереккөз: Tengritravel.kz