31-мамыр – Саяси қуғын-сүргін және ашаршылық құрбандарын еске алу күні. Осыған орай, бір топ өңір азаматтары, Сарыағаш аудандық тарихи-өлкетану мұражайы мен архив қызметкерлері және жастар Дарбаза маңында жерленген ашаршылық құрбандарының қорымымен танысты. 2 ғасырға жуық тарихтан сыр шертетін Дарбаза өңіріндегі қорымға мемлекеттік деңгейде көңіл бөліну керектігін өңірдің арда азаматтары біраз уақыттан бері маңызды мәселе ретінде көтеріп келеді. Олардың айтуынша, аталмыш орынды тарихи жылнамалар қатарындағы киелі мекендер тізіміне енгізу қажет.