Аса қауіпті зиянкес шегірткелерге қарсы жасалып жатқан жұмыстар қатаң бақылауда. Биылғы жылы ауданда 75,4 мың гектар жер химиялық өңдеуден өтетіндігі жоспарланған болса, бүгінде оның 10,8 мың гектары өңдеуден өтті. Жылға ауылдық округінде Түркістан облысы әкімінің орынбасары Ермек Кенжеханұлының төрағалығымен үйірлі шегірткелерге қарсы штаб отырысы өтті. Онда аса қауіпті морокко шегірткесін жою үшін атқарылып жатқан жұмыстар барысы талқыланып, жиынға қатысушылар бірқатар мәселелерді ортаға салды.