Menu
Ауыл шаруашылығы саласындағы жаңалықтармен жалғасақ, төрт түліктің төресі, жылқы шаруашылығын дамытудан Сарыағаш ауданы бойынша жыл қорытындысының жеңімпазы – Нұржан Бижанов атанды. Осыған орай, тілшіміз Жылға ауылдық округі аумағында орналасқан «Пердебай ата» шаруа қожалығына арнайы барып, атқарылып жатқан тірліктерді көріп қайтқан болатын.
«Пердебай ата» шаруа қожалығының басшысы Нұржан Бижановтың айтуынша, жылқы шаруашылығын дамытуға бағытталған жұмыстар осыдан 1 жыл бұрын басталған екен. Басында 1-2 жылқы, сонан соң үш-төртеу, қысқасы, мал басына тимеген соң көбейе түсіпті. Әрине, бұл жерде жылдар бойы тоқтаусыз еткен еңбектің де бар екендігін айта кеткен жөн. Себебі, малға қарау да оңай шаруа емес, өзіне жараса қиындығы жетерлік. Міне, осылай деген Нұржан Бижанов, шаруа қожалықтағы тірліктерге тоқталып өтті.
Нұржан Бижанов , «Пердебай ата» шаруа қожалығының басшысы
«Жылқы малы мінезді, өсімтал, текті жануар. Қар астында жатса да тұяғымен қазып, өз тамағын өзі тауып жейді. Ауру-сырқауға шыдамды келеді. Алдағы уақытта тек қана бір емес, әртүрлі асыл тұқымды жылқыларды өсірсем»,- дейді Нұржан Бижанов.
Нұржан Бижанов , «Пердебай ата» шаруа қожалығының басшысы
Ал, енді қуанышты жаңалыққа ойыссақ, жылқы шаруашылығын дамытудан Сарыағаш ауданы бойынша жыл қорытындысының жеңімпазы – Нұржан Бижанов атанды. Еңбек десе ерінбейтін шаруа «Еңбегімді елеген азаматтарға рақмет»,- дейді.
Нұржан Бижанов , «Пердебай ата» шаруа қожалығының басшысы
Тоқсан ауыз сөздің тобықтай түйіні, жеңімпаз атанып отырған Нұржан Бижанов, саналы ғұмырын еңбекке арнаған азамат. Осы кәсіппен айналысып, жан бағып, өмірлік жолдасымен бірге, 2 ұл, 5 қыз өсіріп келе жатқан берекесі мол шаңырақтың иесі.
Авторлар: Қуаныш Құлмырзаев, Айдос Дәулет
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
