25 отбасыға қуаныш сыйлады

Айналадағы адамдарға көмек қолын созып, жақсылық жасау – қазақ жұртының қанына сіңген қасиет. Елімізде қолға алынған «Қамқорлық» бағдарламасы жаңа жыл қарсаңында қарқынды түрде жүргізілуде. Келес аудандық жұмыспен қамту және әлеуметтік бағдарламалар бөлімі 25 отбасыға жаңа жылдық сыйлықтар мен азық-түліктер үлестірді. Игі шара жайын әріптесім айтып береді.

«Қамқорлық» аймақтық бағдарламасы мемлекет тарапынан берілетін жәрдемақы мен көмектен бөлек жүзеге асады. Келес өңірі бойынша жаңа жыл мерекесі қарсаңында 459 отбасыға әлеуметтік көмек көрсетілген. Өңірге қарасты 12 аймақты қамтыған бұл бастаманың 178-і «Қамқорлық» бағдарламасы аясында жүзеге асырылған. Аталған бағдарламаға Келес аудандық жұмыспен қамту және әлеуметтік бағдарламалар бөлімі де үлес қосты. Яғни, жаңа жыл мерекесіне арнайы ұжымдық дастархан жаймай, жиналған қаржыға 25 отбасыға сыйлықтар мен азық-түліктер таратты.

Гүлнұр Құралбаева, Келес аудандық жұмыспен қамту және әлеуметтік бағдарламалар бөлімінің басшысы

Қамқорлық көрсетіп, көмек беру – адамдық қасиет. Бұл жоба тұрмыс тауқыметін тартқан отбасыларға жан-жақты қолдау көрсету арқылы, кедейлік шеңберінен шығуға мүмкіндік береді. Бүгінгі игі бастаманы қолға алып, жақсылық жасауды қолға алған қайырымды жандарға тұрғындар алғыстарын жеткізді.

Айқұмар Сапарова, Келес ауданының тұрғыны

Гүлзат Касимова, Келес ауданының тұрғыны

Алмагүл Бұғыбаева, Келес ауданының тұрғыны

Айжан Сарсекова, Келес ауданының тұрғыны

Иә, әлемді әбігерге салған пандемияның алдын алу мақсатында мерекелік шараларға тыйым салынды. Осы мүмкіндікті тиімді пайдаланып, аз қамтылған отбасыларға көмек көрсету көрегенділіктің белгісі деп білеміз. Бұл бастама өзгелерге үлгі болса, нұр үстіне нұр болмақ.

Авторлар: Әлия Мұхаммедшәмиқызы, Айдос Дәулет