Аудан басшысы Арман Абдуллаев Көктерек кентінің тұрғындарын сапалы электр энергиясымен қамту үшін жүргізіліп жатқан құрылыс жұмыстарының барысымен танысты. Айта кетейік, құрылыс жұмыстары 2022 жылы басталып, 2023 жылға өтпелі болатын. Бүгінгі таңда ішкі көшелерге электр бағаналары мен желілері тартылып, 15 дана трансформатор қондырығысы электр желісіне қосылған.

Осылайша абоненттерді ескі электр желісінен жаңа электр желісіне қосу жұмыстары жүргізілуде. Құрылыс-монтаж жұмыстары аяқталғаннан соң кент аумағындағы 713 тұрғын үй сапалы электр энергиясымен қамтылатын болады. Құрылыс жұмыстарын аралап көрген аудан басшысы абоненттерді ескі электр желісінен жаңа электр желісіне қосу жұмыстарын белгіленген мерзімде аяқтауды тапсырды.