Menu
Келес ауданында 2021 жылы 3 мектептің құрылысын жүргізу жоспарланып отыр. Олардың салынуына республикалық және облыстық бюджет есебінен қаржы бөлінген. Осыған байланысты тілшіміз Келеске барып, бірнеше мәліметтерді біліп қайтқан болатын.
Келес аудандық білім бөлімінің басшысы Бақтияр Әбдиевтың айтуынша, 2021 жылы Келес ауданында 3 мектептің құрылысы жүреді. Яғни, Ошақты ауылдық округіндегі №46 Абай атындағы білім ұясының 300 орындық оқу корпусының құрылысы, спорт залы және асханасымен бірге салынбақ. Сонымен қатар, Ақтөбе ауылдық округінің Ынтымақ елді мекенінде орналасқан М.Горький атындағы 300 орындық мектеп пен Қошқар ата ауылдық округіне қарасты, Жамбыл ауылындағы №29 жалпы орта мектептің құрылысын аяқтау жоспарланып отыр.
Бақтияр Әбдиев, Келес аудандық білім бөлімінің басшысы
Жалғай түссек, мектептердің құрылысымен қатар, Келес ауданында 2021 жылы тағы қандай игі тірліктер іске асатынын білу үшін, Келес аудандық құрылыс, сәулет және қала құрылысы бөлімінің басшысы Мұрат Юсуповпен сұхбаттасқан болатынбыз.
Мұрат Юсупов, Келес аудандық құрылыс, сәулет және қала құрылысы бөлімінің басшысы
Сөзді түйіндесек, алдағы жылға жоспарланған жұмыстар көп. Мұның барлығы, әрине, елдің игілігі үшін.
Авторлар: Қуаныш Құлмырзаев, Рахманбек Құралов
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
