250 оқушы офлайн білім алуда

2020 жылдың наурыз айынан қашықтықтан оқуға көшкен білім ошақтары жаңа оқу жылының 3-тоқсанынан бірте-бірте дәстүрлі түрде білім алуда. Індеттен қорғануға байланысты барлық талаптарға сай келетін мектептер кезекші топтар ашып офлайн оқуға көшті. Бүгінде барлық ережені сақтай отырып сабақ өтіп жатқан Қабланбек ауылдық округіне қарасты №36 Қ.Тоқмұхамедов мектебі жайында әріптесім айтып береді.

1030 оқушыға білім беретін №36 Тоқмұхамедов атындағы жалпы орта мектебі 2020-2021 оқу жылының үшінші тоқсанын офлайн режимде бастады. Алайда, барлық оқушылар емес. 10 топқа бөлінген 120 оқушыдан тұратын 1-сынып, 6 топтан тұратын 81, 9-сынып және 4 топ бітіруші сыныптар. «Жалпы 250 шәкірт офлайн, 780 оқушы онлайн түрде сабақтарын жалғастыруда»,-дейді мектеп әкімшілігі.

Асқар Байзақов, №36 Қ.Тоқмұхамедов атындағы ж.о.м директорының орынбасары

Әрине, онлайн сабақ барлық оқушыларды қажығаны белгілі. Мұғалімнің алдында қасиетті шаңырақта білім алғанға не жетсін?! Мектепке баруға рұқсат алып, білім алып жүрген шәкірттер «қашықтықтан оқығаннан гөрі офлайн сабақ әлдеқайда жақсы»,-деп отыр.

Марал Аманбай, №36 Қ.Тоқмұхамедов атындағы ж.о.м оқушысы

Мадина Рахманбердиева, №36 Қ.Тоқмұхамедов атындағы ж.о.м оқушысы

Карантин талаптарына сай, білім ошағы таңертеңнен бастап тазаланып, келген әрбір оқушыда жеке бетперде, антисептик құраларының болуын қадағалайды. Сондай-ақ, шәкірттер мектепке кіргенде және үйлеріне қайтарда медбикелер міндетті түрде дене температурасын өлшеп отырғандығына өзіміз куә болдық.

Халида Жамбулова, №36 Қ.Тоқмұхамедов атындағы ж.о.м медбикесі

Еліміздің болашағы жастардың қолында. Мемлекетіміздің өсіп-өркендеуі үшін білімді ұрпақ тәрбиеленуі керек. Ол үшін барлық білім ордалары есігін айқара ашып, іші шәкірттерге толса игі. Бірте-бірте ол күндер де қайта оралар деп сенеміз.

Авторлар: Әлия Мұхаммедшәмиқызы, Ерлан Сәрсенбеков