Барлығымызға белгілі, 2020 жыл басталғаннан елімізде карантин орнап, біраз тұрғындар жұмыссыз қалған-ды. Дәл сол уақытта азаматтардың көпшілігі халықты жұмыспен қамту орталығының көмегіне жүгінді. Орталық аудан тұрғындарын «Еңбек» мемлекеттік бағдарламасы үш бағытының біріншісі, қысқа мерзімді кәсіптік оқытуға – 150, екіншісі, «Бастау Бизнес» бағдарламасымен кәсіпкерлік негізінде оқытуға – 639, үшінші, тұрақты жұмысқа – 2798, әлеуметтік жұмыс орындарына – 187 азамат жолдаған. Орталық директоры жыл басынан бері атқарылған істерді қорытындылай отырып, сұхбат берді.