Сарыағаш ауданының №4 мамандандырылған мектеп-интернатының 10-сынып оқушысы Жансерік Камал он үш жасынан бастап смартфонның кең мүмкіндіктерін меңгеріп, сол арқылы табысқа қол жеткізе бастаған. 2023-2024 оқу жылында ғылыми жобалар конкурсына ұсынған жұмысында жас ғалым “JARIQ” жасанды интеллект мобильдік қосымшасын жасап, оның мүмкіндіктерін көпке дәлелдеді. 100-ден аса тілде қызмет көрсететін қосымша дыбыстық хабарламаларды жазбаша мәтінге айналдырып ғана қоймай, қойылған сұрақтарға кез келген тілде жауап беруімен ерекшеленеді. Жас ғалым мұнымен тоқтап қалмақ емес. Қазіргі күні өзі сынды оқушыларға арнап интеллектуалды ойын жасап шығаруға ден қойған.

Авторлар: Майра Нұрмахан, Марат Жолдас