Өткенді еске салар дүниелер жетерлік

Сарыағаш аудандық тарихи-өлкетану мұражайында өткенді еске салар дүниелер жетерлік және аудан халқының бұрынғы өмір салтын бүкпесіз бейнелейтін жәдігерлерге толы. 2007 жылы ашылған мұражай қорындағы құнды жәдігерлердің саны бүгінде 1281-ге жеткен. Олардың ішінде өңірімізде алғашқы қолданысқа енген теледидар, көнеден келе жатқан шырағдандар, алғашқы жазу машиналары және т.б. бар.

Аудандық тарихи-өлкетану музейінде тұрғындардың осыдан 100 жыл бұрын пайдаланған, көненің көзі саналатын дүниелер өте көп. Азаматтар бұл заттарды заманның дамуына орай қолданыстан шығып қалған соң осы музейге тапсыратын көрінеді. Жерлестеріміздің музей қорына сыйға тартқан жәдігерлері туралы мұражай меңгерушісі де өз пікірін білдірді.

Гүлжан Ибадуллаева, Сарыағаш аудандық тарихи-өлкетану мұражайының меңгерушісі.

90 жастағы әже анасынан қалған, сонау соғыс кезінде қолданылған ескі патефонды музейге тарту еткен. Бұл құрылғы алғаш рет шыққанда талайды таңғалдырған. Кейбіреулер тіпті, сиқырлы күші бар деп сенген. Патефонның шығуы көптеген әншінің танылуына септігін тигізген, әрі сол кездері құрылғы тек қалталы адамдардың үйінде болған. Одан бөлек ғасырға жуық тарихы бар, тас диірмен, халық ақыны Майлықожаның шекпені, ұн жасайтын тас диірмендер, Кеңес үкіметі кезінде шығарылған газет-журналдар мен құжаттар және тағы басқа да қазіргі жас ұрпақ қолданбайтын, тіпті олар көрмеген заттар өте көп.

Гүлжан Ибадуллаева, Сарыағаш аудандық тарихи-өлкетану мұражайының меңгерушісі.

Қазақ халқының ою-өрнегі – эстетикалық талғам мен тәрбиенің қайнар көзі. Музей меңгерушісі оюлы заттар мен құрақ тігу өнерін әрі қарай көтермелеп, әлемге паш еткісі келеді. Сондықтан аудандық мұражай әкімшілігі тігін өнерін үйрететін үйірме ашып, оған аудан тұрғындарын шақырмақ ниеті бар.

Авторлар: Хусниддин Хасанұлы, Ерлан Сәрсенбеков