Әлеуметтік жағынан осал санаттағы отбасылардың балаларына әлеуметтік көмек көрсету тетігі (жалпыға бірдей білім беру) енді жекеменшік мектептерге де қатысты болады.

Түзетулерге сәйкес жергілікті атқарушы органдарға меншік нысанына қарамастан барлық мектепте балаларға әлеуметтік көмек көрсету, оның ішінде ыстық тамақпен, мектеп формасымен және оқу құралдарымен қамтамасыз ету құзыреті беріледі. Қазіргі таңда республика бойынша мемлекеттік тапсырыс аясында әлеуметтік жағынан осал отбасылардан шыққан 25 мыңға жуық бала жекеменшік мектептерде білім алып жүр.

Дереккөз: ҚР Парламенті Мәжілісінің баспасөз қызметі