Әлемде мұнай өндіретін тағы бір ел пайда болды. Бұл туралы satmedia.kz тілшісі 24.kz-ке сілтеме жасап хабарлайды.
Жыл аяғына дейін Сомали алғаш рет «қара алтынын» нарыққа шығарғалы отыр. Шикізатты игеру бойынша америкалық компаниямен келісімшарт жасалған. Геосейсмикалық зерттеу Сомали жерінде көлемі 30 миллиард баррельге жететін мұнай мен табиғи газдың барын көрсетті.
«Сомали биылғы жылдың аяғына қарай алғаш рет мұнай өндіре бастайды. Шикізатты барлау жұмысы 7 теңіз блогында жүргізілді. Негізі мұнай кенішін игеру бойынша келісімшартқа 2 жыл бұрын қол қойылған», – дейді Сомалидің мұнай министрі Әбдіризақ Оман Мұхаммед, .
Сарапшылар қазіргі кезеңде әлемдік мұнай нарығын белгісіздік құрсаулап тұрғанын айтады. Инвесторлар ОПЕК пен Халықаралық энергетика агенттігінің ай сайын жариялайын жаңа есебі мен болжам-ұсыныстарын күтіп отыр.
Дереккөз: 24.kz
