Menu
Елбасы Н.Ә.Назарбаевтың 2016 жылы 5 ақпанда шыққан 190-жарлығына сәйкес, ауылдық округ әкімдері халық алдында есеп беруде. Дәл осындай кездесулердің бірі Ұшқын ауылдық округінде өтті. Онда өңір әкімі 2020 жылды қорытындылап, 2021 жылға қойылған жоспарларымен бөлісті.
Қоралас, Ұшқын және Достық елді мекендерін қамтыған Ұшқын ауылдық округі әкімі жылдық есебінің басын инфрақұрылым жүргізу жұмыстарымен бастады. Бүгінгі таңға дейінгі жетістіктерді тізбектеген ол, өзекті мәселелердің бар екенін жасырмады. Өңірге табиғи газ жүйесін жүргізу бойынша жұмыстар жүргізіліп жатқанын айтқан әкім, «шаруаның біразы бітті»,-дейді.
Ғалымжан Байдосов, Ұшқын а/о әкімі
Өңір басшысының айтуынша, 2020 жылы Ұшқын а/о әкімдігіне 174 арыз-шағым және өтінім түскен болатын, оның 116-сы іргелік жерлердің мерзімін ұзарту бойынша. Ал, қалған бөлігі түрлі салаларға тиесілі. «Тұрғындардың талаптары қанағаттандырылуда»,-дейді әкім.
Ғалымжан Байдосов, Ұшқын а/о әкімі
Жиын соңында округ әкімі халықтың жазбаша сұрақтарына жауап берді. Сондай-ақ, тұрғындардың ұсыныстарын да тыңдады.
Ғалымжан Байдосов, Ұшқын а/о әкімі
Санитарлық талаптарды сақтау мақсатында кездесу онлайн форматта өтті. «Ал, әлеуметтік желіден түскен сұрақтарға әкімдік тарапынан жауап беріледі»,-дейді басшы. Сондай-ақ, халық алдында есеп берген Ұшқын а/о әкімі елді мекендерді толық көгілдір отынмен қамтитынын қадап айтты. Енді нәтиже күтеміз.
Авторлар: Мейірхан Бақытжанұлы, Дінислам Тәліпбай
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
