Menu
31 мыңнан астам тұрғыны бар Құркелес а/о әкімі халық алдында 2020 жылға қорытынды есеп берді. Өңірдегі бірқатар жетістіктер мен кемшіліктерді тізбектеген аумақ басшысы, елді мекендерге инфрақұрылым жүргізу бойынша жұмыстар жүргізіліп жатқанын атап өтті.
Жалпы жер аумағы 11 639 га, 15 елді мекеннен тұратын Құркелес ауылдық округінде 2020 жылдың қорытынды есебі тыңдалды. «Былтырғы жылдың еншісінде бірқатар жетістіктеріміз бар. Дегенмен де проблемалық тұстары да жоқ емес. Оның бірі – елді мекендерге көгілдір отын жеткізіп беру. Аталған мәселе бойынша мамандар тарапынан жұмыс жүргізілуде. Құркелес а/о 3 елді мекені газ кіруіне 80 пайыз дайындықпен отырмыз»,-дейді ол.
Әбдіжаппар Рахымбердиев, Құркелес а/о әкімі
Құркелес а/о әкімі Әбдіжаппар Рахымбердиев өңірдегі түрлі салаға тоқталды. Бүгінгі таңда аталмыш өңірде 14 мектеп тіркелген, оның бірі бастауыш, қалғандары орта. Алайда, балалар санының өсуіне байланысты қосымша оқу ордасының қажеттілігі туындады. Сондай-ақ, «шамамен 7 ауылдық окргке қызмет көрсететін емхана салу жоспарланып отыр»,-дейді өңір басшысы.
Әбдіжаппар Рахымбердиев, Құркелес а/о әкімі
АӘК бойынша Құркелес өңірінде 489 отбасы тағайындалған қаражаттарын алып отыр, оның 59-ы шартты, ал, қалған 430-ы шартсыз екен.
Әбдіжаппар Рахымбердиев, Құркелес а/о әкімі
Құркелес а/о бойынша 2020 жылы атқарылған жұмыстардың бір сыпырасы осы. Ал, округ әкімі Әбдіжаппар Рахымбердиев «2021 жылы да инфрақұрылым бойынша бірталай шаруа еңсеріледі»,-деп отыр.
Авторлар: Мейірхан Бақытжанұлы, Дінислам Тәліпбай
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
