Ауыл шаруашылығы вице-министрі Аманғали Бердалин агроөнеркәсіптік кешенді дамытуға қызығушылық білдірген қытайлық инвестициялық компаниялардың өкілдерімен кездесу өткізді.
Кездесудің негізгі тақырыптарының бірі – ҚХР нарығында жоғары сұранысқа ие отандық жылқы тұқымдарын экспорттау мәселесі болды.
«Бүгінгі кездесу – мал шаруашылығы мен жалпы ауыл шаруашылығы саласындағы өзара тиімді ынтымақтастықты нығайту жолындағы маңызды қадам. Біздің жылқы тұқымдарымызға деген қызығушылық жаңа мүмкіндіктерге жол ашады», – деп атап өтті вице-министр.
Тараптар ветеринариялық бақылау мен карантинге арналған инфрақұрылымды құру мәселелеріне ерекше назар аударды. Қытайлық инвесторлар Қазақстан аумағында ветеринариялық зертхана ашу ниетін білдірді.
Дереккөз: ҚР Ауыл шаруашылығы министрлігі
