ҚР ТСМ Туризм индустриясы комитетінің төрағасы Нұртас Кәріпбаевтың айтуынша, жыл бойы Қазақстан ITB China, ITE Hong Kong, COTTM және China International Medical Tourism Fair сияқты төрт туристік көрмеге қатысты. Бұл Қазақстанға Қытайдың жетекші туроператорларымен 50-ден астам жаңа серіктестік орнатуға мүмкіндік берді. Бүгінде олардың кейбірі Қазақстанды өз каталогтарына енгізді. Сондай-ақ пресс-турлар мен таныстыру сапарлары ұйымдастырылды.

«Жыл бойы әр түрлі қалалар мен аймақтар 10 ірі таныстыру турын өткізді. Бұл іс-шаралар Қазақстанға деген қызығушылықты одан әрі арттыра түсті. Осы бағыттағы жұмысты одан әрі жалғастырамыз. Туристік көрмелерге қатысу және ақпараттық турлар ұйымдастыру бірлескен жұмысымыздың негізгі бағыты болып қала береді», – деді спикер ОКҚ алаңында өткен баспасөз конференциясында.

Дереккөз: ҚР Туризм және спорт министрлігі